今次專攻佢個日本A4和牛套餐，款式多到眼花撩亂！
A4和牛肩胛肉同後腰肉都係穩陣好選擇，油脂豐富，燒起嚟火燄十足，肉味濃郁！不過我個人更鍾意澳洲M6和牛三角腩，雖然級數唔係A4，但肉味更加突出，咬落去充滿嚼勁同肉汁，性價比極高！
不得不讚佢嘅韓風瓷壺醬油牛肋肉！用醬油醃得非常入味，帶少少甜味，燒到邊緣少少焦脆嘅時候食，真係超級惹味，送酒一流！
仲有羊架都係驚喜之作，完全冇羶味，肉質嫩滑。最後食埋隻鮑魚，鮮甜彈牙，為成餐飯畫上完美句號。
海鮮方面，生蠔同鮑魚都非常新鮮，絕對唔係陪跑。隻蠔脹卜卜，燒完依然保持到多汁；鮑魚上枱時仲郁緊，燒到剛剛熟，口感彈牙到不得了。食完濃味嘅和牛，再嚟啖清爽嘅海鮮，個味蕾即刻得到平衡，可以再戰過！
刺身好新鮮
環境舒適闊落
闊落
