焱丸水產 (已結業)

Happy Friday, 又係食好西既時候。今晚撞正同老婆週年紀念，如果慶祝又不失霸氣呢？日式居酒屋，試試佢啦！舖頭裝修擺設方面都好符合主題，野食建得唔得先？！牛油炒野菜 $52牛油炒菜哩樣野，要煮到有水準都有啲難度架。太油又唔得，太熟又唔得，仲要每款菜都確保唔會燶。師奶仔既我十分明白。炸魷魚大盛 $68餸酒小食。入到黎居酒屋喎！係居酒屋喎。唔係唔飲返杯嘛。外層香脆，入口唔會有油膩感，魷魚圈質地煙煙韌韌。真心餸酒一流！Sapporo Beer $55三文魚牛油果油酢漬 $80一個類似三文魚他他既餸。如果將牛油果、三文魚、海苔哩三件事一齊放入口，又係另一個世界。味道非常鮮甜，口感爽脆。三文魚富士山 $68新鮮三文魚刺身包住青瓜手卷，面頭仲有沙律醬同蟹籽。食咗廿幾年三文魚，新唔新鮮其實一食就知。魚肉新鮮之餘，表面魚油十足，入口口感嫩滑之餘仲多咗一份油香味。左口魚刺身 $158 / 活海螺刺身 $180 / 甜蝦刺身 $68入主題啦，刺身併盤。特別想講講，好多人以為日本刺身必定係以拖羅為主，但其實白魚刺身先係佢地杯茶。冬天係食左口魚既季節，當然要棒場啦。非常考刀功既一環，每一片既厚薄相約。