荷里活冰室 (上海街)

營業中

休息中

【油尖旺區】【荷里活冰室】呢間嘢喺 1am0563 嗰陣已經被我寫過，嗰時都唔覺得佢特別好食，不過位置的確係非常之方便。而嗰次亦都係因為交收 2020 東京奧運會嘅嘢，先會喺嗰邊順便食埋嘢，估唔到今次再食已經又一屆奧運。不過中間其實都食過佢哋長沙灣分店，但係勁難食。今次係同同事細豬哥一齊去嗰頭做嘢，做完嘢，佢話想多謝我請佢食嘢，就點都要請返我入茶記坐低飲杯嘢咁話。咁入得去，就叫埋下午茶餐啦。佢就叫咗個 $30 嘅「鮮牛油菠蘿包」，加 $3 飲「凍奶茶少少甜」，佢話係正常發揮，不過不失咁，信佢啦。我就比較中意食吓新嘢，見佢有款下午茶賣 $40，名稱係「現烤拉絲芝士脆豬配蘋果沙律」，就叫份食吓，味道都可以。嘢飲方面，加 $9 可以飲「香橙檸檬乳酸」，非常特別，不過冰多過乜，兩啖飲晒，都幾冇癮。埋單價係 $82，佢要爭畀錢我都冇辦法。。。（地址：旺角上海街595號地舖及1樓） 呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區分店：1am0563深水埗區分店：1am0850#1amfoodie #foodie #hkfoodie