更多
2022-07-07
1953 瀏覽
講起黃金海岸餐廳,大家都以為只得酒吧、西餐,其實係有中菜廳㗎!仲要係味道正宗,非常高質,當然有靚海景view睇,Chill住食!海黃魚仔拼秋葵 $50/份朋友未到就叫咗碟小食食先,海黃魚仔同秋葵都係風乾咗,脆卜卜好香口,嘆住龍井望靚景好休閒X.O. 醬蔥爆脆藕螺片 $108/例極度推介一定要試依碟小菜!首先X.O. 醬炒菜已經好香,螺片非常爽口,最最最驚喜係蓮藕芯,入口爽脆,用酸菜浸泡過後陣陣酸菜味好開胃,我同朋友都食唔停口!黃金蝦球 $108/例鹹蛋黃Fans唔可以錯過,外層係炸到金黃色脆皮,包住大大隻鮮蝦,淋上香濃鹹蛋黃醬汁,一碟超惹味黃金蝦球,每碟約8隻大蝦都好抵食!招牌酸菜滑魚片 $238/大份依碗招牌酸菜滑魚片真係令我大開眼界,第一次食到用鴨血同午餐肉做配料,另外有青瓜、蛙蛙菜、薯粉、滑魚片配料相當豐富,湯底香而不太辣,食開小辣朋友仔都食得到金銀蒜銀魚蒸勝瓜 $98/例本人好唔鍾意食勝瓜,覺得有陣青草味,出奇到星小宴做到無咗果陣味,變咗我好鍾意食嘅青瓜咁,加上大量蒜蓉,送飯一流!
講起黃金海岸餐廳,大家都以為只得酒吧、西餐,其實係有中菜廳㗎!仲要係味道正宗,非常高質,當然有靚海景view睇,Chill住食!
海黃魚仔拼秋葵 $50/份
朋友未到就叫咗碟小食食先,海黃魚仔同秋葵都係風乾咗,脆卜卜好香口,嘆住龍井望靚景好休閒
X.O. 醬蔥爆脆藕螺片 $108/例
極度推介一定要試依碟小菜!首先X.O. 醬炒菜已經好香,螺片非常爽口,最最最驚喜係蓮藕芯,入口爽脆,用酸菜浸泡過後陣陣酸菜味好開胃,我同朋友都食唔停口!
黃金蝦球 $108/例
鹹蛋黃Fans唔可以錯過,外層係炸到金黃色脆皮,包住大大隻鮮蝦,淋上香濃鹹蛋黃醬汁,一碟超惹味黃金蝦球,每碟約8隻大蝦都好抵食!
招牌酸菜滑魚片 $238/大份
依碗招牌酸菜滑魚片真係令我大開眼界,第一次食到用鴨血同午餐肉做配料,另外有青瓜、蛙蛙菜、薯粉、滑魚片配料相當豐富,湯底香而不太辣,食開小辣朋友仔都食得到
金銀蒜銀魚蒸勝瓜 $98/例
本人好唔鍾意食勝瓜,覺得有陣青草味,出奇到星小宴做到無咗果陣味,變咗我好鍾意食嘅青瓜咁,加上大量蒜蓉,送飯一流!
張貼