影片
更多
2025-04-13
69 瀏覽
今次嚟到位於屯門嘅拾號公社，係一間主打西餐嘅酒吧餐廳，菜式種類繁多，並提供多款本地手工啤酒、紅白酒、Cocktail等。餐廳裝潢走工業風風格，定期會喺晚上舉辦Live Music ，好有氣氛。值得一讚嘅係店主殷勤有禮，充滿人情味，令人有賓至如歸嘅感覺。火焰德國咸豬手配三色醬火焰德國咸豬手，上枱時店主倒上酒，再燃點火焰，充滿陣陣焦香，視覺效果滿分。豬手外皮燒到好酥脆，味道鹹香，內裏經過兩小時低溫慢煮，肉質飽滿，味道多汁Juicy，另外配上三色醬，有黃芥末、Wasabi同埋茄汁，好惹味。美酒盛宴拼盤海鮮拼盤上枱時仙氣滿滿，好吸晴，海鮮種類豐富，有波士頓龍蝦、藍青口、翡翠螺、熟蝦、磯燒鮑魚等。波士頓龍蝦爽口彈牙，肉質鮮嫩，龍蝦有爆滿紅色膏，帶有鮮甜味同埋濃郁海鮮香氣；磯燒鮑魚，口感爽彈，充滿醬油同埋鮮味。鵝肝多士鵝肝油脂豐腴，入口即溶，搭配脆卜卜嘅多士，口感豐富。最近做緊$64/2件優惠，性價比高。黃金流沙單骨雞翼或薯條每條薯條都充滿濃厚鹹蛋黃香味，配啤酒一流，香脆嘅薯條令人忍唔住食完一條又一條，好邪惡。Panda 心靈Cocktail系列，用熊貓公仔食樹葉做裝飾，好可愛。Cocktail用
今次嚟到位於屯門嘅拾號公社，係一間主打西餐嘅酒吧餐廳，菜式種類繁多，並提供多款本地手工啤酒、紅白酒、Cocktail等。餐廳裝潢走工業風風格，定期會喺晚上舉辦Live Music ，好有氣氛。值得一讚嘅係店主殷勤有禮，充滿人情味，令人有賓至如歸嘅感覺。
火焰德國咸豬手配三色醬
火焰德國咸豬手，上枱時店主倒上酒，再燃點火焰，充滿陣陣焦香，視覺效果滿分。豬手外皮燒到好酥脆，味道鹹香，內裏經過兩小時低溫慢煮，肉質飽滿，味道多汁Juicy，另外配上三色醬，有黃芥末、Wasabi同埋茄汁，好惹味。
美酒盛宴拼盤
海鮮拼盤上枱時仙氣滿滿，好吸晴，海鮮種類豐富，有波士頓龍蝦、藍青口、翡翠螺、熟蝦、磯燒鮑魚等。波士頓龍蝦爽口彈牙，肉質鮮嫩，龍蝦有爆滿紅色膏，帶有鮮甜味同埋濃郁海鮮香氣；磯燒鮑魚，口感爽彈，充滿醬油同埋鮮味。
鵝肝多士
鵝肝油脂豐腴，入口即溶，搭配脆卜卜嘅多士，口感豐富。最近做緊$64/2件優惠，性價比高。
黃金流沙單骨雞翼或薯條
每條薯條都充滿濃厚鹹蛋黃香味，配啤酒一流，香脆嘅薯條令人忍唔住食完一條又一條，好邪惡。
Panda
心靈Cocktail系列，用熊貓公仔食樹葉做裝飾，好可愛。Cocktail用咗竹蔗水、菠蘿汁、蜜瓜酒、Vodka調製而成，味道可口清甜，容易入口，仲可以清熱氣。
張貼
