Ruby Tuesday (屯門時代廣場北翼)

營業中

休息中

【屯門區】【Ruby Tuesday】同朋友去咗屯門，諗唔到食乜之下，見到呢間老牌西餐廳，就想入去試吓。因為上一次食已經係好多年前，都想試吓佢哋一貫嘅高水準有冇下降到。前菜我哋揀咗 $308 嘅「珍寶蟹肉餅」，果然係珍寶嘅蟹肉餅，好大好厚實，食落啖啖蟹肉，貨真價實，好味。進入主菜，我哋先試 $298 嘅「韓式泡菜炸海鮮卡邦尼」，初初都會驚個味道會唔會九唔搭八，點知食落覺得又幾夾，同埋幾件炸海鮮都有質素。之後試 $558 嘅「特級肉眼扒」，要咗五成熟同跟蒜蓉牛油。上菜發覺塊扒勁大，差啲食唔晒，味道亦都好正。食到咁，冇可能唔飲啲嘢，朋友飲 $118 嘅「爆谷奶昔」，佢話唔錯。我就飲都係 $118 嘅「意式芝士蛋糕奶昔」，好邪惡嘅組合，喺奶昔之上加上 tiramisu 味道，真係好飲呀。埋單 $1400 係合理價錢，始終座位舒適之餘，店員又親切，係一種飲食嘅享受嚟。。。（地址：屯門屯隆街2號屯門時代廣場北翼L1樓39-40號舖）#1amfoodie #foodie #hkfoodie #thatfoodiething #hkfood #food #instafood #yummy #food