影片
更多
2020-12-09
806 瀏覽
又要開始閉關的日子，日日整足四餐都真係煮到頭都痕，所以間中懶下都唔算過分。聖誕月嘅主角就當然唔少得火雞，所以我地外賣PizzaExpress最新推出嘅2-3人精選聖誕套餐，預早感受下聖誕氣氛，嚟一個宅中一點甜啦~我地嘅套餐就有聖誕凱撒沙律、迷迭香火雞薄餅、白汁火雞螺絲粉及聖誕朱古力蛋糕各一份，仲有兩罐飲品。另外因為外賣單點菜式有八五折優惠，所以再Order多一份老公鐘意食嘅烤焗雞翼。仲有…..係12月14日之前訂購任何外賣自取聖誕套餐，仲會送焗麵包球配朱古力榛子醬一客，所以我地依個晚餐真係超豐富呢~先嚟一個火雞凱撒沙律，佢個火雞肉都算多，而且肉質都夠滑，有點驚喜~再嚟一個白汁火雞螺絲粉，除左個白汁同火雞肉好夾之外，再加埋迷迭香同巴馬臣芝士做配料，所以特別啱小朋友口味，基本上成碟都係小小豬一個KO晒~當然唔少得迷迭香火雞薄餅，以火雞做主角，再配以意大利煙肉、辣甜椒粒、迷迭香、松子仁、馬蘇里拉芝士、番茄醬及紅莓洋蔥醬，所以成個Pizza都係甜甜地都好幾特別~聖誕朱古力蛋糕就係我杯茶，個朱古力味超香濃但又唔會好甜，配埋士多啤梨醬一齊食就仲正呀~~烤焗雞翼都有維持一水準~焗麵包球配朱古力榛子醬
聖誕月嘅主角就當然唔少得火雞，所以我地外賣PizzaExpress最新推出嘅2-3人精選聖誕套餐，預早感受下聖誕氣氛，嚟一個宅中一點甜啦~
我地嘅套餐就有聖誕凱撒沙律、迷迭香火雞薄餅、白汁火雞螺絲粉及聖誕朱古力蛋糕各一份，仲有兩罐飲品。另外因為外賣單點菜式有八五折優惠，所以再Order多一份老公鐘意食嘅烤焗雞翼。仲有…..係12月14日之前訂購任何外賣自取聖誕套餐，仲會送焗麵包球配朱古力榛子醬一客，所以我地依個晚餐真係超豐富呢~
先嚟一個火雞凱撒沙律，佢個火雞肉都算多，而且肉質都夠滑，有點驚喜~
再嚟一個白汁火雞螺絲粉，除左個白汁同火雞肉好夾之外，再加埋迷迭香同巴馬臣芝士做配料，所以特別啱小朋友口味，基本上成碟都係小小豬一個KO晒~
當然唔少得迷迭香火雞薄餅，以火雞做主角，再配以意大利煙肉、辣甜椒粒、迷迭香、松子仁、馬蘇里拉芝士、番茄醬及紅莓洋蔥醬，所以成個Pizza都係甜甜地都好幾特別~
聖誕朱古力蛋糕就係我杯茶，個朱古力味超香濃但又唔會好甜，配埋士多啤梨醬一齊食就仲正呀~~
烤焗雞翼都有維持一水準~
焗麵包球配朱古力榛子醬就更加唔洗講，一向都係我家至愛~
特別一題…. 螺絲粉同埋薄餅都有少少辣椒嚟輕抄，所以醬汁中會帶有點點微辣，如果怕辣嘅朋友就要留意。或者可以好似我咁係Order時同店員哥哥提走辣，咁就更加啱超級怕辣嘅小小豬。
張貼
