推薦程度：●●●●◐
抵食程度：●●●◐○
———
🥗 煙三文魚羽衣甘藍雜菜沙律｜$98
個沙律擺盤好賞心悅目💖 煙三文魚夠多‼️ 夠足料‼️ 先捲到呢粒巨型花花，所以童叟無欺㗎🙂↕️ 鍾意佢係落意大利黑醋汁🫶🏻 清新不膩、又唔會太dry，怕唔太中咗沙律醬嘅致肥圈套😛 基底好豐富，有幾款菜做口感層次擔當；仲有水果粒做味道層次擔當，整份看似平平無奇但有好多心思🥰
🌟 〈推介〉美國頂級封門柳｜$248
+$38升級做套餐，有齊是日餐湯/沙律及餐飲🙌🏻 南瓜湯望落偏水狀，但冇諗過咁香甜濃郁🫢 飲落帶南瓜蓉嘅沙沙口感🎃 真係唔可以以貌取湯🙂↕️✨
主食石燒牛可以揀部位🔍 我就揀封門柳，貪佢冇咩油脂，牛肉味會更濃郁出眾⚡️ 肉質好軟腍，而且係肉眼可見嘅爆汁juicy💦 比起一般碟上，石燒可以即時燒到外表微微焦脆後即食，特別惹味🤤 另外落埋蒜蓉同牛油去煎都入口唔膩，好食到停唔到👅 而配菜擔當嘅薯條都唔失色👍🏻 外脆香脆可口、內裡係綿密嘅薯泥感😍 呢隻外脆內軟嘅粗薯條，很可以‼️
🌟 〈推介〉巴馬火腿酸種薄餅｜$188
酸種麵包比一般pizza底望落厚身，但唔重粉感🤤 中層好多空氣位，食落好似雲朵咁fluffy☁️ 整體口感外脆內軟，帶咀嚼同咬口🙌🏻 topping方面我揀咗鹹香+脂香嘅巴馬火腿，light得嚟又唔會太dry，係鹹香+脂香完美合體💯✨ 基底好，相信揀其他口味都一樣滋味👅
🧊 海鹽菠蘿梳打｜$38
超誇張‼️ +$10就有超超超超大杯‼️ 包你飲到消暑解熱☃️ 菠蘿香甜不膩，加埋海鹽嘅吊味做balance🤌🏻 整體甜度perfect池✨ 開新、解膩又消暑，勁爽🌬️
