影片
更多
2019-12-12
201 瀏覽
支持黃店系列 （💛黃色行為: 罷市、店內文宣、支援手足）用餐環境好舒適，比人一種懶懶閒既感覺🤤好搞笑既係佢地啲全日餐，全部用「是但」、「唔想諗」、「我唔食肉」等等命名，啱曬唔想諗食咩既懶鬼💀食完之後，大家一致認同食物質素唔差，但所有野食都同預期好唔一樣😬▪香煎三文魚扒 $168 (5/5)肉眼可見已經煎到逼曬啲魚油出黎🐟一放入口就感受到豐腴既魚油香，成塊扒好軟嫩，皮邊微微焦脆，感覺幸福🥰▪啤酒薯條配黑松露醬 $52 (4.5/5)以為啤酒薯條=粗身薯條🤔黎到發現係幼身，重點係佢個texture完全係薯角黎😱從來無食過咁既質地既薯條，好正！配埋黑松露醬勁惹味🤤▪水牛城雞翼 $62 (3/5)六十幾蚊得4隻全翼，唔算好抵食🤭炸得幾脆，但辣醬怪怪地味，覺得佢幾似Ｍ記隻脆香雞翼😅▪烤雞肉菠菜忌廉汁意大利飯 $82 (2/5)菠菜忌廉汁意大利飯，一睇到個名應該會聯想到好似青醬risotto咁成pat飯青青地、綠綠地既意粉😳………結果佢竟然係忌廉汁意大利飯＋幾條菠菜😓雞肉份量少同偏鞋，不過飯既質地都唔錯，有意大利飯既質感喺度。▪Set D: 明太子扁意粉配三文魚籽 $118 (2/5)係成餐飯既重
（💛黃色行為: 罷市、店內文宣、支援手足）
用餐環境好舒適，比人一種懶懶閒既感覺🤤好搞笑既係佢地啲全日餐，全部用「是但」、「唔想諗」、「我唔食肉」等等命名，啱曬唔想諗食咩既懶鬼💀
食完之後，大家一致認同食物質素唔差，但所有野食都同預期好唔一樣😬
▪香煎三文魚扒 $168 (5/5)
肉眼可見已經煎到逼曬啲魚油出黎🐟一放入口就感受到豐腴既魚油香，成塊扒好軟嫩，皮邊微微焦脆，感覺幸福🥰
▪啤酒薯條配黑松露醬 $52 (4.5/5)
以為啤酒薯條=粗身薯條🤔
黎到發現係幼身，重點係佢個texture完全係薯角黎😱從來無食過咁既質地既薯條，好正！配埋黑松露醬勁惹味🤤
▪水牛城雞翼 $62 (3/5)
六十幾蚊得4隻全翼，唔算好抵食🤭炸得幾脆，但辣醬怪怪地味，覺得佢幾似Ｍ記隻脆香雞翼😅
▪烤雞肉菠菜忌廉汁意大利飯 $82 (2/5)
菠菜忌廉汁意大利飯，一睇到個名應該會聯想到好似青醬risotto咁成pat飯青青地、綠綠地既意粉😳
………結果佢竟然係忌廉汁意大利飯＋幾條菠菜😓
雞肉份量少同偏鞋，不過飯既質地都唔錯，有意大利飯既質感喺度。
▪Set D: 明太子扁意粉配三文魚籽 $118 (2/5)
係成餐飯既重點LOLLL
雖然味道唔差，但份量真係細到我地成枱人都呆咗😧
好多西餐廳既「港女意粉」都細細份既，但細到咁真係第一次見。
明明見到隔離枱既意粉都勁大兜，好疑惑我地張枱出左咩事先會細到咁？
雖然唔想為難店員，但出於好奇都係忍唔住show相問店員: 係咪Set既意粉會特別少?
不過店員圖都未睇，就話意粉份量係fixed，只會夾兩撮。但再望返張圖，其實好似2撮都無喎…所以最後都係factcheck唔到。
講返味道，明太子味唔算好濃但可接受，意粉質地合格，做到al dente😎
話說返到屋企先醒起佢係比蟹籽，唔係三文魚籽…
▪oreo奶昔 $45
好難唔好飲既邪惡奶昔冰凍好飲，唔會太甜膩，仲加左兩塊oreo餅入去！
題外話/補充資料：
▪切餅費 $40
雖然食物質素頗為參差，但最好既地方係佢切餅費好平，幾適合慶生！（四十蚊依個數係計全枱，唔係人均）
(以上食評乃用戶個人意見 , 並不代表OpenRice之觀點。)
張貼
