影片
更多
2025-05-09
0 瀏覽
今日去咗啟德體育館零售館入面一間叫「GoNuts」嘅餐廳食晚餐，餐廳位於零售館嘅停車場旁邊，過嚟食嘢泊車都好方便。餐廳用咗1000個網球佈置兩個卡位嘅牆身，非常適合打卡；餐廳係由前東方文華廚師主理， 凡惠顧Lunch set都會送餐湯或沙律，單嗌熱食仲可以用優惠價$38加購一份「紫薯麻糬窩夫配香草雪糕」。🍊 手工啤酒汁煮青口配佛卡夏包青口嘅份量適中，手工啤酒汁幾重啤酒嘅麥香味，而且有蕃茄仔同洋蔥粒嘅甜味，醬汁比較輕盈薄身，食落去唔重奶油味，佛卡夏包好脆口，加埋手工啤酒汁一齊食都幾夾🍊 蕃茄牛肉醬意大利飯味道濃郁嘅蕃茄醬、免治牛肉碎同焗到半溶嘅芝士係經典配搭，再混合risotto一齊食真係食到停唔到口🍊 和風蒜香牛柳粒比薩呢份厚底脆邊嘅係pinsa romana羅馬白底批薩，我哋加咗$42要熔岩火山芝士，用咗鐵板上菜可以令熔岩火山嘅Mozzarella芝士一切落去就做到流心嘅效果，混合和風蒜香醬汁和三色椒粒粒，令到pizza中間軟熟的部份非常腍身同惹味，上面嘅牛柳粒口感鬆軟而且牛味濃郁🍊 經典提拉米蘇甜品唔係傳統放喺碗內固定形態嘅Tiramisu，而係放喺碟上形成隨意形態，外觀上充滿藝術
🍊 手工啤酒汁煮青口配佛卡夏包
青口嘅份量適中，手工啤酒汁幾重啤酒嘅麥香味，而且有蕃茄仔同洋蔥粒嘅甜味，醬汁比較輕盈薄身，食落去唔重奶油味，佛卡夏包好脆口，加埋手工啤酒汁一齊食都幾夾
🍊 蕃茄牛肉醬意大利飯
味道濃郁嘅蕃茄醬、免治牛肉碎同焗到半溶嘅芝士係經典配搭，再混合risotto一齊食真係食到停唔到口
🍊 和風蒜香牛柳粒比薩
呢份厚底脆邊嘅係pinsa romana羅馬白底批薩，我哋加咗$42要熔岩火山芝士，用咗鐵板上菜可以令熔岩火山嘅Mozzarella芝士一切落去就做到流心嘅效果，混合和風蒜香醬汁和三色椒粒粒，令到pizza中間軟熟的部份非常腍身同惹味，上面嘅牛柳粒口感鬆軟而且牛味濃郁
🍊 經典提拉米蘇
甜品唔係傳統放喺碗內固定形態嘅Tiramisu，而係放喺碟上形成隨意形態，外觀上充滿藝術感，食落去幾重Bailey酒味，旁邊有朱古力醬、朱古力碎片同朱古力夾心威化餅碎，味道同口感都好豐富；如果同行有朋友生日，仲可以提早通知餐廳，可以免費喺甜品店上畫上「生日快樂」嘅字句
🍊 士多啤梨奶昔
奶昔入面有好多粒果籽，士多啤梨嘅味道都好出又唔會太甜，有幾片士多啤梨薄片同一大堆鮮忌廉
🍊 花生咖啡拿鐵
第一次見到花生拿鐵，飲落去味道非常特別，前調係鹹鹹嘅花生香味，係濃郁嘅咖啡拿鐵味，一啖會飲到兩種味道，貪得意嘅朋友可以嗌嚟試吓
📍 九龍城啟德承啟道38-39號啟德體育園啟德零售館2 G樓M2-016號舖
位置就腳：🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊
整體CP值：🍊🍊🍊🍊🍊
張貼
