影片
更多
2025-04-29
141 瀏覽
今次去咗北角匯嘅「RIVA 灣 Bar & Grill」，餐廳環境舒適，仲有海景位可以望住維港夜景，好適合約會或慶祝特別日子！試咗佢哋嘅晚餐套餐，套餐有前菜、主菜、甜品同飲品，配上夜景黎講性價比都唔錯，同大家分享下～———————————————🌟 餐湯/沙律套餐可以揀餐湯或沙律，今次餐湯係西蘭花忌廉湯，忌廉味比較濃郁但都會食到西蘭花味，湯身好滑身，仲有少少香草調味。🌟 黑松露雜菌意大利燴飯 $158黑松露香氣撲鼻，忌廉汁濃郁得嚟唔會太膩，雜菌份量適中，飯粒煮得剛好有咬口，面頭嘅芝士更加提升整體味道！🌟 低溫煮原隻法國黃油燒春雞 $248燒春雞雖然細隻但肉質超嫩，低溫煮令到雞肉保持多汁，皮脆肉滑，面頭仲有灑鹽做裝飾，整體擺盤都幾精緻。🌟 燒藤茄 $48藤茄燒過後帶少少焦香，酸酸地嘅味道好開胃，仲可以平衡返主菜嘅濃郁感～🌟 炸雞中翼 $24雞翼醃得入味，炸得外脆內嫩，一咬開仲有肉汁爆出嚟，熱辣辣上台超香！🌟 是日精選甜品 - 芝士蛋糕芝士蛋糕唔會太大件，口感綿密，芝士味濃郁但唔會太甜。留意到佢哋馬灣都有分店，玻璃窗上仲有個招牌倒影嘅打卡位，連埋背後過海景㗎！
今次去咗北角匯嘅「RIVA 灣 Bar & Grill」，餐廳環境舒適，仲有海景位可以望住維港夜景，好適合約會或慶祝特別日子！試咗佢哋嘅晚餐套餐，套餐有前菜、主菜、甜品同飲品，配上夜景黎講性價比都唔錯，同大家分享下～
———————————————
🌟 餐湯/沙律
套餐可以揀餐湯或沙律，今次餐湯係西蘭花忌廉湯，忌廉味比較濃郁但都會食到西蘭花味，湯身好滑身，仲有少少香草調味。
🌟 黑松露雜菌意大利燴飯 $158黑松露香氣撲鼻，忌廉汁濃郁得嚟唔會太膩，雜菌份量適中，飯粒煮得剛好有咬口，面頭嘅芝士更加提升整體味道！
🌟 低溫煮原隻法國黃油燒春雞 $248
燒春雞雖然細隻但肉質超嫩，低溫煮令到雞肉保持多汁，皮脆肉滑，面頭仲有灑鹽做裝飾，整體擺盤都幾精緻。
🌟 燒藤茄 $48
藤茄燒過後帶少少焦香，酸酸地嘅味道好開胃，仲可以平衡返主菜嘅濃郁感～
🌟 炸雞中翼 $24
雞翼醃得入味，炸得外脆內嫩，一咬開仲有肉汁爆出嚟，熱辣辣上台超香！
🌟 是日精選甜品 - 芝士蛋糕
芝士蛋糕唔會太大件，口感綿密，芝士味濃郁但唔會太甜。
留意到佢哋馬灣都有分店，玻璃窗上仲有個招牌倒影嘅打卡位，連埋背後過海景㗎！
張貼
