服務係真心friendly, 店員會主動同你傾談吹水, 介紹每款食物同配適合嘅清酒點, 唔會硬銷, 感覺舒服。
🍶 清酒放題 $158
加$158就可以享有任飲清酒, 款式都唔少, 由淡口味到醇厚都有, 店員仲會按你點嘅食物遂一推薦合適嘅口味, 譬如辛口清酒配串燒, 又真係幾夾。
小食・創意十足
🌶️青椒脆魚皮, 除咗青椒, 仲有洋蔥同狀荷花點綴, 視覺同口感都好特別, 魚皮脆而不油, 帶點微辣夠刺激, 好易一口接一口。
🧇 炸饅頭, 外脆內軟, 煉奶分量剛剛好, 夠晒邪惡但滿足。
🍢 串燒・驚喜滿滿
燒白鱔, 燒得皮脆肉嫩, 魚油香出得嚟, 唔腥, 正！
滷水牛舌, 呢個就真係有超驚喜, 以為佢係鹵水, 原來表面炸到似天婦羅皮, 脆口得嚟裡面保持到牛舌嘅軟腍, 滷水味隱約透出, 好有層次, 必點 👍🏼
🍗 孜然烤春雞, 雞肉嫩滑, 孜然香氣突出, 唔會過鹹, 送清酒簡直一流。
🍖 肉類・混血牛扒
美國特色牛扒, 店員話係美國牛同神戶牛混血, 肉質真係軟淋得嚟帶油香, 燒得剛剛好, 唔點醬已經好夠味, 點埋佢地個神奇醬汁, 簡直係如虎添翼咁好味 🤤
整體嚟講, 呢間「花天酒地」將港式風味同日本居酒屋元素玩得幾放, 食物真係有心思去煮理, 服務又夠貼地, 係一個可以relax下、飲兩杯嘅好地方, 如果鍾意試新嘢同埋鍾意有人情味嘅小店, 呢度值得一訪 💯
1
