泰象館位於九龍城，呢間泰菜價錢相宜，充滿地道風味，每道菜都充滿驚喜！
生蝦刺身 生蝦刺身大大隻，肉質彈牙透徹，食落好鮮甜，完全無腥味～
流心芝士蝦丸 一上枱見到啲流心芝士好邪惡😈
蝦丸外層炸得香脆，內裏蝦肉好Q彈～包住半熔芝士，一咬爆晒汁，仲可以拉絲😍芝士超級香濃，泰式蝦丸與西式芝士嘅fusion，邪惡又滿足🤤
蛋包金邊粉 金邊粉炒得乾身彈牙，用蛋網包住，賣相唔錯🤩加上花生粒同青檸調味，簡單但幾惹味！
椰青 新鮮開殼，椰青水清甜解膩，配濃味菜式剛好中和返整頓飯嘅飽足感～
總結：好欣賞個芝士蝦丸，地道風味融合創意！而且服務親切，上菜速度快，嚟九龍城可以一試～
