印度皇

營業中

休息中

【中西區】【印度皇】同浣紗娘去咗餐飲展睇嘢，睇完就搵啲嘢食吓。我見到上環呢間印度餐廳好似唔錯，就一齊走去試吓。店員推薦 $88 嘅「炸米餅配薄荷汁」，即係大家都好熟悉嘅 Puri Puri。佢個汁做得幾正，同之前食過嘅比較，佢唔差。之後試 $168 嘅「香燒馬友魚」，鐵板上，熱辣辣，亦都相當好食，全晚最驚喜。跟住試 $118 嘅「瑪沙拉牛舌」，個醬好正，撈薄餅一流，而啲牛脷亦都燜得好腍，阿婆都食到。而 $106 嘅「印式芝士菠菜」就可以，係幾好嘅。而上一段有提過嘅薄餅，亦都係印度菜必食，我哋先試 $36 嘅「薑蔥烤餅」，我都係第一次食蔥味嘅烤餅，估唔到幾夾，好食。之後試店員推介 $32 嘅「印式煎餅」，簡簡單單嘅煎餅，食落都唔差，兩款薄餅都各有千秋。嘢飲方面，我試咗 $39 嘅「芒果酸奶」同 $48 嘅「椰青」，兩者都好好飲。而浣紗娘就試 $37 嘅「特式香料茶」同 $33 嘅「青檸梳打」，佢就估唔到後者用雪碧做底，有啲驚訝。埋單價 $777，以食物加埋位置同環境，係唔差嘅。。。（地址：上環干諾道中137-139號三台商業大廈1樓）@basmati_hongkong#1amfoodie