我對魚生呢味野，或多或少都有d要求，脂肪多d既，肉要厚d，
油香就緊咖啦，最好要埋腩位，我怕食到d筋，性格開朗D呀，
唔係條魚，係個師傅，咁先岩mood呀麻。👇🏻
📌前 菜 -
▪️ 混 醬 菠 菜 沙 律 - $42
▫️ 先黎個前菜「混醬菠菜沙律」，菠菜相當新鮮爽口，
配搭混醬入口濃香惹味，砌到個塔咁，賣相吸引。
📌壽 司 盛 合 -
▪️ 鮪 壽 司 盛 12 款 - $168
▫️ 跟住再黎人氣招牌「鮪壽司盛12款」，一次過試勻「三文魚醬油漬」、
「三文魚腩」、「油甘魚」、「海螺片」、「帆立貝」、「甜蝦」、
「火炙左口魚邊」、「海膽軍艦」、「三文魚子軍艦」、「蔥吞拿魚腩軍艦」、
「加州卷」、「自家製玉子」，佢地刺身非常新鮮，尤其是甜蝦，口感爽彈，
左口魚邊經火炙過，入口油香豐腴，海膽鮮味十足，
玉子幾乎入口即化，蛋香十足，呢個價錢真係性價比首選！
📌串 燒 -
▪️ 安 格 斯 牛 肋 串 - $52
▫️ 熱食方面嗌左個「安格斯牛肋串」，外層燒得微微焦香，
食落肉質軟腍彈滑，牛味係相當突出，值得推介。
📌時 令 季 節 -
▪️ 日 本 螢 光 魷 魚 - $40
▫️ 呢個由老闆推介「日本螢光魷魚」食到微微酸甜，
入口帶點黏性，煙煙韌韌幾有咬口，正。
📌鍋 物 -
▪️ 清 酒 煮 蜆 - $68
▫️ 另一款值得一試就係「清酒煮蜆」，蜆肉洗得非常乾淨，
完全食唔到有沙，配上清酒底，蜆肉鮮甜得黎帶點酒香，好食。
📌主 食 -
▪️ 蟹 籽 三 文 魚 炒 飯 - $88
▫️ 最後試埋個「蟹籽三文魚炒飯」，師傅將蟹籽、栗米、蛋、洋蔥、
三文魚一次過炒，再經醬油調味，一上枱香到不得了，而且份量
絕對係夠兩三個人share，超級抵食，難怪個個都會嗌！
