北京樓 (形點 I)

營業中

休息中

秋風都起咗一排，雖然內地大閘蟹今年仲係唔可以供港，只能靠少量日本蟹源，但係都唔能夠阻止作為「蟹迷」嘅我誓要瘋狂食蟹嘅衝動！呢日小妹約咗好友嚟到元朗Yoho嘅一間京菜館試食蟹粉菜式，好味到「嘩嘩」聲！最惹味莫過於呢碟「蟹黃撈麵」，成碟麵都鋪滿大閘蟹金黃色嘅蟹膏，食前先撈勻，每條麵都沾滿蟹膏，食落充滿類似蛋黃嘅蟹膏鮮味同帶微辣嘅薑味，非常甘香豐腴。而「蟹黃豆腐」亦唔可以錯過，滿碟豆腐都沾有蟹膏，令平庸嘅豆腐變得鮮甜甘香，用嚟送飯真係一流。至於「蟹黃上素」就用蟹膏拌炒各類時蔬同菇菌，每種蔬菜配搭蟹膏嘅味感都唔同，令小妹好驚喜呀！