296
13
3
等級8
2022-05-13 3536 瀏覽
哈哈,星期三晚嘅外賣系列又嚟喇,今次跳得遠少少,入到沙田區搵食,近排聽相熟嘅沙田友提及呢一家「小胖」,性價比高,所以,趁住過到嚟就會一會佢。幫襯當日仍未開放返晚市堂食,不過,望入去餐廳嘅裝修簡約清爽,以淺系為主,牆上一句口號「一碗滿滿的幸福」加上「小胖」嘅標誌,為餐廳添上溫度。卡位就適合三幾個朋友,而有少量吧枱位就適合一個人單拖過嚟。 雖然門口棟咗個大餐牌,不過,我都喜歡拎走單張再掃描出嚟,更清晰嗎!睇店名都知,店家主打就喺台式便當,但亦有賣台灣手工麵食,包埋飲品,定價都喺$58-$72,算喺好合理,仲可以優惠價追加小食,選擇彈性大。  本來都想一個便當、一個麵食,但怕怕哋啲麵食拎到返會會大打折扣,因為今次返屋企途程少少遠,所以,都喺穩膽兩個便當,追加一款小食就算。有機會,下次嚟堂食試佢哋啲麵食。順帶一提,外賣附上嘅唔喺平嘢竹筷子,而喺好似家用嗰啲竹筷子,可以洗番再用。梅香脆地瓜 +$12呢個就真喺最想「回味」嘅小食,因為,唔記得喺第一次定第二次去台灣逛夜市時,初嚐炸地瓜,加入大量梅粉,非常難忘。今次食番嘅,啲炸地瓜唔錯,外層好夠脆,但唔油,夠粉甜,喺略嫌梅粉落得手緊,酸香味太隱約。 
更多
哈哈,星期三晚嘅外賣系列又嚟喇,今次跳得遠少少,入到沙田區搵食,近排聽相熟嘅沙田友提及呢一家「小胖」,性價比高,所以,趁住過到嚟就會一會佢。
64 瀏覽
0 讚好
0 留言
幫襯當日仍未開放返晚市堂食,不過,望入去餐廳嘅裝修簡約清爽,以淺系為主,牆上一句口號「一碗滿滿的幸福」加上「小胖」嘅標誌,為餐廳添上溫度。卡位就適合三幾個朋友,而有少量吧枱位就適合一個人單拖過嚟。 
74 瀏覽
0 讚好
0 留言
雖然門口棟咗個大餐牌,不過,我都喜歡拎走單張再掃描出嚟,更清晰嗎!睇店名都知,店家主打就喺台式便當,但亦有賣台灣手工麵食,包埋飲品,定價都喺$58-$72,算喺好合理,仲可以優惠價追加小食
,選擇彈性大。  
517 瀏覽
0 讚好
0 留言
本來都想一個便當、一個麵食,但怕怕哋啲麵食拎到返會會大打折扣,因為今次返屋企途程少少遠,所以,都喺穩膽兩個便當,追加一款小食就算。有機會,下次嚟堂食試佢哋啲麵食。順帶一提,外賣附上嘅唔喺平嘢竹筷子,而喺好似家用嗰啲竹筷子,可以洗番再用
60 瀏覽
0 讚好
0 留言
梅香脆地瓜 +$12

呢個就真喺最想「回味」嘅小食,因為,唔記得喺第一次定第二次去台灣逛夜市時,初嚐炸地瓜,加入大量梅粉,非常難忘。今次食番嘅,啲炸地瓜唔錯,外層好夠脆,但唔油,夠粉甜,喺略嫌梅粉落得手緊,酸香味太隱約。 
梅香脆地瓜
49 瀏覽
1 讚好
0 留言
三杯蜜汁烤雞排便當 $58

老婆就想試試三杯蜜汁烤雞排,因為諗住會芳香惹味啲,果然,雞排煎得有啲燶邊,入口有點點焦脆感,而肉質卻比預期嫩滑;至於個三杯蜜汁,真喺醃得夠入味,既惹味,又香甜,再者,雞排又好,飯底又好,都份量十足,佢就梗喺食唔晒一碗飯啦,由我呢個包底王搞掂。
三杯蜜汁烤雞排便當
$58
34 瀏覽
0 讚好
0 留言
萬華網烤牛肉便當 $72

6款便當都喺對牛肉情有獨鍾少少,不過,唔知「萬華網烤」喺特別在咩,但總之食落啲牛肉好腍滑,既有肉香,又富肉汁,加上烤得帶陣陣焦香,真喺幾正。而每份便當已包埋多款配菜:煎蛋角、炒粉絲、粟米、木耳、青瓜、蒿筍、小棠菜,唔單止令整個便當更加豐富,亦營養兼備。 
萬華網烤牛肉便當
$72
17 瀏覽
0 讚好
0 留言
熱金橘檸檬茶、芙香蘋果茶

老婆鍾意熱飲多過凍飲,所以,金橘檸檬茶就最合其心水,佢話好有金橋香味,酸酸甜甜好清新,入口暖和舒服;小弟就要咗冷泡茶,茶底幾清幽,又確喺有滲出蘋果嘅香甜味,真喺唔錯。 
熱金橘檸檬茶、芙香蘋果茶
14 瀏覽
1 讚好
0 留言
多謝友人推介,「小胖」嘅便當確喺唔錯,份量足,定價亦算相宜,值得再幫襯。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
等候時間
10 分鐘 (外賣自取)
人均消費
$71 (晚餐)
推介美食
萬華網烤牛肉便當
$ 72