金麥泰泰國菜館

營業中

休息中

朋友好鍾意食泰國🇹🇭菜，所以佢經常嚟九龍城呢個泰國餐廳集中嘅地方，發掘好味泰國菜，今日佢就帶咗我嚟呢間餐廳，話呢度嘅泰國菜好味道。🐥泰式酸辣椰汁雞湯（小）$68湯底奶白色，只係少少酸少少辣，不過就有幾濃郁嘅椰子汁味，仲食到有幾多雞肉，同埋菇菌🍄，呢個椰汁雞湯好飲😋👍。🐟泰式鹽燒鰂魚$168鰂魚都幾大條，外邊應該係搽咗鹽巴，所以燒到魚皮硬硬哋，包住裏邊嘅魚肉，魚肉就非常鮮嫩多汁，魚肚仲放咗啲香茅、薑片、香葉等，食落冇魚腥味，不可不提嗰碟秘製醬汁，要來沾魚肉，好惹味。🐓泰式鳳翼釀珍珠$58雞翼中間釀咗好多糯米，燒到好香，原來珍珠即係糯米，呢個糯米雞翼食得我哋好飽。🥬泰式馬拉盞芥蘭$58馬拉盞同蝦醬做法幾似，都係用蝦仔發酵成嘅，用呢炒芥蘭菜，簡單惹味又好食。🍋青檸梳打$22🫧咸檸七$22兩個都清新好飲，配味道比較濃郁嘅泰國菜，非常合適。呢度仲冇加一，真係街坊價錢好抵食😋。