德福閣

佈局長形兩邊廳，菜式選擇不多，大人$398、小童$328，而小童非用高度計算，11歲以下都是小童價。便宜吃又地理位置就腳。晚市18:30食到21:30。因預早接近三星期訂位，位置靠窗，四人枱相對寬敞，半腰玻璃，望到對面聖公會小學樓下幫客入咪錶搵食而暴走之人士。刺身維持三文魚及疑似厚切鯛魚。另有鯖魚冷食、赤貝、三文魚、軍艦等壽司，但狀態不算醒神。甜品除朱古力瀑布外，是常規水果杧果布甸、傳統黑森林蛋糕、藍莓芝士餅之類。18:45開始派生蠔，每人四隻，大人細路同數。標準大小，其中一碟較鮮帶海水味；另兩碟件頭細就略帶海鮮腥。19:15左右開始有斑戟、梳乎厘。斑戟排隊等即製；梳乎厘要先取籌，因每次只預製8個，派完要大概等下round十五分鐘後。梳乎厘新鮮出當然熱乎乎，幾濃蛋香，小甜。20:30左右開始埋單，匯豐恒生開飯訂座均享9折，等同免加一。20:45依然refill食品：芝士焗蠔、M字頭雪糕（朱古力、咖啡脆堅果、士多啤梨），甚至新增楊枝甘露。稍為有降呢感係啤酒，用較平價「金威」，並無其他品牌。現場有位好鍾意講笑嘅「廿蚊遮遮」，每遇客便講幫忙拍照收廿蚊。呢位遮遮亦好媽媽感，耐不耐就問客有沒食生