尤其是TGIF呢D大日子，一定劈到你死我活，去到11點，
FEEL到個flow未完，下場一波先咖啦。銅鑼灣基於係一個
不夜城既關係，「川燒串燒·酒埸」已經成為我宵夜既目標！👇🏻
📌廚 師 推 介 -
▪️ 燒 法 式 鵝 肝 多 士 - $88
▪️ 燒 日 本 豚 肉 腸 拼 盤 - $48
▫️ 第一道先整個小食「燒法式鵝肝多士」先啦，鵝肝入口即化咁制，
甘香味逐漸滲落口腔，多士又夠鬆脆，油香十足；
而「燒日本豚肉腸拼盤」肉腸香而不膩，
裡面食落口感煙韌爽彈，層次豐富。
▪️ 川 香 肉 碎 燒 茄 子 - $56
▪️ 燒 鵪 鶉 蛋 - $24
▫️ 跟住再黎就係「川香肉碎燒茄子」，茄子超大份，口感軟綿，
加埋個醬汁調較得岩岩好，唔會太鹹，夠哂juicy；
「燒鵪鶉蛋」燒到表面夠乾身，一咬落脆口得黎裡面
蛋香十足，送返杯highball就岩啦！
▪️ 川 燒 豆 腐 - $28
▪️ 燒 特 級 厚 切 牛 脷 - $58
▫️ 串燒真係唔好比佢停，呢個「川燒豆腐」豆腐炸我相當香口，
外層好有咬口，配埋麻辣醬真係一絕；「燒特級厚切牛脷」
相當爽彈，完全唔韌，而且牛味濃郁，完全係食唔停口！
▪️ 野 椒 汁 燒 牛 小 排 - $328
▫️ 聽聞好多人都會點「野椒汁燒牛小排」，事關牛小排
師傅功架都利害啦，火侯控制得夠哂爐火純青，外層燒到帶少少焦香，
裡面肉質食落仲帶到爽彈多汁，好有咬口，
仲配送即炸薯條，性價比之選！
▪️ 麻 辣 鮑 魚 撈 烏 冬 - $118
▫️ 最後嗌埋個「麻辣鮮魚撈烏冬」完結成晚精彩環節，
烏冬爽口彈牙就緊咖啦，最出色係個麻辣汁，辣得黎麻香夠哂突出，
仲有三隻鮑魚，誠意十足，又係送酒最佳良物。
