京都一の傳 (已結業)

自從帶過三歲女兒黎呢度食過一次之後，佢日日都提住：「媽咪你幾時再帶我去食魚魚飯飯丫？」的而且確，連我都好欣賞呢個京都直送「藏味噌漬銀鱈魚定食」，$268午餐定食包咗新鮮沙律、銀鱈魚、數款漬物、娃娃菜、麵豉湯、日本米飯。 加$18可以揀飲品，例如一壺玄米茶。銀鱈魚油香味濃、魚肉非常滑而且味道帶甜，珍珠米就咁食都夠好味！我第一次同佢二人share一個餐，佢食咗我大半個餐，最後我唔夠飽，第二次誓要叫兩個餐先夠！