泰仔

營業中

休息中

就咁睇個環境都覺得好似好地道咁（泰國啲街邊檔咁），主要又係食啲炒嘢，覺得應該穩陣嘅！🔅蟹肉炒飯冇理由唔食炒飯，仲要有我最愛嘅蟹肉炒飯。見到一粒粒既蟹肉，唔係一絲絲既，好實在，味道都唔錯。🔅泰式乾燒雞河佢話係招牌，所以先揀佢唔揀炒金邊粉。河粉同平時嘅好唔同，佢呢個透薄好多，而且口感好煙靭，淨係個河粉質地已經好正，贏晒。🔅海鮮炸春卷平時食素食春卷多，呢個裏面有蝦、帶子綑邊、仲有魷魚！真係全部都海鮮，估佢唔到，真材實料，呢個係必點！呢間感覺有啲似港式大排檔咁，不過主要係食泰式既炒粉麵飯，尖沙咀返工嘅朋友又多一項選擇啦！