阿元來了 (北街)

營業中

休息中

有日突然心血來潮想食台灣野，決定去食阿元來了！之前有好幾日撞正星期一去，都摸門釘。今次去之前特登碌阿元既社交媒體網站，發現佢由七月開始月中無休！🥳七點幾去過拎飛都要等十幾張碟，去海旁散步，再行返餐廳時間岩岩好！🍳玉米起司蛋餅蛋餅即叫即整，所以需時十五分鐘左右！一上碟職員哥哥會溫馨提示我哋小心熱，唔好辣親！餅皮煎到脆卜卜，有蛋香之餘亦包滿濃厚既芝士同粟米，一舊接一舊，好快就食晒😂！怕辣既朋友可以走辣醬！😇🐙炸花枝丸花枝丸雖然好大粒，新鮮炸起，但係粉漿過厚，每一啖都會食到大陣粉漿味，下次再黎應該會嗌其他小食🙈！🍜蚵仔大腸麵線蚵仔粒粒肥美飽滿，大腸洗得好乾淨，一啲異味都無！麵線好q彈，加小小醋令成碗麵更惹味，令人回味無窮。🍚阿元魯肉飯每次黎阿元都必定會嗌既💕飯上面鋪滿滿滿既魯肉，魯肉粒肥瘦適中，魯汁味道濃郁，白飯粒粒分明。最鍾意就係白飯撈汁加幾粒魯肉一齊食，感覺好幸福！🥛胚芽奶茶胚芽加落任何飲品都無得輸，野飲價錢合理又大杯，所以每次黎都會至少嗌一杯飲品，嘻嘻🥰📍 阿元來了 西環堅尼地城北街31號地舖