田浦食肉

營業中

休息中

自從睇過韓國戲後，主角食襯韓國菜都喺烤燒肉，今次約閏蜜去沙田食韓式烤燒肉～田浦食肉，餐廳由韓國人主理，食既喺正宗地道韓式燒肉。坐低時，侍應已放滿小菜，有泡菜、釀瓜等等，酸酸辣辣嘅。韓式煎餅較厚身，餡料豐富，食落煙韌Q彈，餡料有韭菜、泡菜等等，額外蘸韓式辣醬汁，非常惹味。揀咗烤豬肉套餐，有五花肉同豬頸肉，豬肉油脂分佈均勻，鮮嫩多汁，烤到金黃色，令外皮好酥脆，食落五花肉口感嫩滑； 豬頸肉帶爽脆，極滿足。我哋仲點一個大醬湯，韓國既國民美食，用味噌大醬煮制成，味道香濃，配料豐富添，食完最後來翻一碗成身暖粒粒。