呢到裝修一貫傳統日式木系，比較簡約，環境好舒適。
🔹特上海膽丼🔹
丼飯料非常多，睇圖片都好震撼，有海膽、帶子、牡丹蝦、蟹子及玉子。賣相同味道都唁錯，海膽味道很鮮甜，帶子及牡丹蝦都好新鮮👍🏻
🔹蒲燒肥厚鰻魚飯（大盛）🔹
鰻魚肉真係好肥厚，超滿足，配合自家燒汁好好味！
🔹雞軟骨餃子🔹
平時食餃子多數揀豬肉餡，雞軟骨就未試過，口感脆脆地幾得意，值得推介～
🔹極上牛肉鍋🔹
有驚喜，坦白講賣相就冇乜特別，但係飲落湯底好鮮，飲完仲唔會有口渴嘅感覺！
🔹藍色海洋梳打、蜂蜜柚子茶🔹
藍色海洋梳打，酸酸地唔算甜幾好飲；蜂蜜柚子茶，用作飯後解膩一流。
.
