影片
更多
2024-01-29
476 瀏覽
餐廳貴為日本集團「銀の葡萄」旗下品牌之一，同鄰近既雞白湯同鯛白湯為姐妹店，相信品質有一定既保證。平日夜晚黎到客人得小貓兩三隻，夥計比客人多好多，一場同朋友仔由上環地鐵站行到上黎一於試下！坐左係師傅前面可以望清楚佢由備料，烹調同擺盤既過程。🥢牡蠣白湯 Koeru湯底由牡蠣，豚骨同雞骨組成，蠔肉會係烹調過程中打碎一齊煮。除左有濃郁既蠔味，仲飲得出雞湯既香醇🤭配料方面都係有常見既慢煮叉燒，一粒牡蠣，竹荀，洋蔥粒，紫蘇花，整體無乜太大特色。麵條揀選左太刀麵，開頭幾煙韌，不過浸耐左都變得腍身無咬口！🥢牡蠣沾麵 Asobu湯頭由蠔醬同豚骨熬煮而成，入口濃郁又黏口，海鮮味撲鼻而來，入面有兩粒原隻牡蠣，角切豚肉，荀絲同洋蔥，感覺上無咩餸，一路食到大半碗之後有啲膩口，攤凍左之後仲愈食愈鹹🙈麵條採用左獨家研發既「平打麵」，滑溜得黎又有咬口，平打麵呈長形，有啲似泰國粗河粉，掛湯能力一流，上面仲撒左紫蘇花有解濟功能。平打麵用高湯浸住，減低左痴住晒既問題！食到尾聲湯頭唔再熱辣辣時可以叫職員加熱，不過只係放入微波爐叮熱有啲草率了事，話晒都係碗過百既拉麵～📍NEXT Shikaku中環歌賦街11號地舖
平日夜晚黎到客人得小貓兩三隻，夥計比客人多好多，一場同朋友仔由上環地鐵站行到上黎一於試下！坐左係師傅前面可以望清楚佢由備料，烹調同擺盤既過程。
🥢牡蠣白湯 Koeru
湯底由牡蠣，豚骨同雞骨組成，蠔肉會係烹調過程中打碎一齊煮。除左有濃郁既蠔味，仲飲得出雞湯既香醇🤭配料方面都係有常見既慢煮叉燒，一粒牡蠣，竹荀，洋蔥粒，紫蘇花，整體無乜太大特色。麵條揀選左太刀麵，開頭幾煙韌，不過浸耐左都變得腍身無咬口！
🥢牡蠣沾麵 Asobu
湯頭由蠔醬同豚骨熬煮而成，入口濃郁又黏口，海鮮味撲鼻而來，入面有兩粒原隻牡蠣，角切豚肉，荀絲同洋蔥，感覺上無咩餸，一路食到大半碗之後有啲膩口，攤凍左之後仲愈食愈鹹🙈麵條採用左獨家研發既「平打麵」，滑溜得黎又有咬口，平打麵呈長形，有啲似泰國粗河粉，掛湯能力一流，上面仲撒左紫蘇花有解濟功能。平打麵用高湯浸住，減低左痴住晒既問題！食到尾聲湯頭唔再熱辣辣時可以叫職員加熱，不過只係放入微波爐叮熱有啲草率了事，話晒都係碗過百既拉麵～
📍NEXT Shikaku
中環歌賦街11號地舖
張貼
