3
椰子雞鍋 （$198/半隻）：主打不加一滴水嘅海南風味，採用280日大嘅果園走地雞，那的確，雞隻個頭較一般大，半隻雞份量已經好多，雞件肉質結實爽脆，較有雞味，仲搭配少量雞雜，實屬難得；而湯底味道清甜可口，絕無味精感覺。
極品頸脊肥牛 （$198/小）：份量果真不少，小份已足夠2-3人享用，肥牛塊厚薄適中，每塊均一，食落幾有口感。頸脊脂肪比例適中，富油香及爽滑之餘，肉味亦相當濃郁。
即炸響鈴卷 （$48）：即點即炸，質感酥脆，豆香撲鼻，其搭配甜酸醬，即食其實比火鍋更惹味……
脆鯇腩（$78）：勁大碟，而且每件都非常厚切，食落啖啖肉，口感爽脆嫩滑，味道鮮甜唔腥。
招牌三寶丸（$80）：分別係手打蝦丸、墨魚丸及牛丸，每款三粒，口感爽滑，蝦丸含有粒粒蝦肉，非常鮮味；而墨魚丸都幾有墨魚香。
10
13
