二悅

營業中

休息中

又到去唔到旅行要食好嘢慰藉心靈嘅時候😌難得出現元朗，其實好多野想食，不過決定試新野！ 呢間元朗小店<二悅>嘅坐位唔多，但裝修俾人感覺好warm ❤️主打台灣牛肉麵，其實食物選擇不多，但係佢個牛肉麵🍜係一定會想再食嘅程度！今次試咗紅燒牛肉麵同牛骨濃湯牛肉麵，兩個除咗個湯之外其他嘢都係一樣，個麵有牛腱同牛肚。店員建議先試一試個湯嘅味道，再選擇加唔加落個麵一齊食。佢哋嘅牛湯係每日用新鮮牛大骨配上蔬果中藥材熬煮而成，所以湯底好鮮甜！我覺得個面就咁乾食更好味，因為麵底已經有汁好似撈麵咁，麵條係台灣製造嘅純手工日曬面，食落唔油膩仲好彈口🤤🤤個湯可以分開飲。另外個牛腱真係非常出色，好入味而且煮得好淋😋😋有時餐廳真係唔需要太多選擇，最緊要食物做得出色，呢間誠意推介！