另外，呢度仲有充卡優惠，八折起，最高折扣為七折 (充$3,000送$900)，由於可即充即用，眼見唔少食客都選擇充夠兩三千，高啲折扣，仲可留返下次用。老實講，$278+10%，以最高折扣7折計，$214抵到爛......
先食烤魚，然後刺身，之後揀選湯底打邊爐，有十多款預設嘅食物，另有凍櫃可取時蔬、什丸及麵食等等，仲有數十款特色川菜任你點。
海龍皇烤魚 - 香辣豆豉味 (小辣): 兩款口味，亦可自選辣度。小辣嘅辣度適中，辛香惹味，湯底幾香。烤魚肥美厚肉，啖啖肉之餘，骨唔多，食起上黎幾方便，味道鮮甜，魚肉亦夠入味。
刺身賣相一般，亦唔係咩高級材料，但又幾新鮮，食落
唔覺得有問題。虎蝦刺身爽滑鮮甜；八爪魚爽口Q彈，帶微微咸香；三文魚就正常，基本野好難唔好食。
海龍皇海鮮拼盤按人頭上，分別有鮑魚、帆立貝、海蝦、青口、蜆、蠔肉，以及魚片，鮮活海產，整體新鮮，鍾意食海鮮嘅人應該都會收貨。
安格斯牛肩胛共有一份，肉夠新鮮，肉質嫩滑，帶適量脂肪，牛味適中。
仲有黑松露墨魚丸、鮮蝦水蝦，及各式肉類如滑牛肉、美國肥牛、豚肉片、羊肉片等等，另外食到呢度已經食唔到川菜了...太飽
甜點有紫米露，質感綿密，內含芋粒，少甜，幾好食。
