EL CID西班牙餐廳 (已結業)

〈諾士佛臺高質西班牙餐廳〉 之前去開諾士佛臺多數都係就咁飲吓野，今次發掘到間高質西班牙餐廳，野食有水準拍得住系外國！！ 牛骨髓田螺有別於平時食開既田螺，呢到既係連埋原條牛骨髓上，超級特別！！田螺用牛油同香草調味，再放系牛骨髓上面焗，就咁聞都已經好香～食果時連埋牛骨髓一齊勺，牛既香味夾雜埋田螺既鮮味，驚為天人！ Seafood paella同樣非常有水準，首先個飯極濕潤（但唔爛），每一粒飯都吸曬海鮮既精華～而除左飯入面既鮮魷魚，仲有大大隻既虎蝦同青口，全部口質爽口彈牙，成個飯真係食一啖又一啖～ Sangria最後當然唔少得Spanish出名既Sangria, 入面有好足料既生果，紅酒味香濃好好飲啊！