影片
更多
2016-08-18
1655 瀏覽
今日同朋友做完facial，係朗豪坊，見肚餓，就提議食埋野先走。因為想食粥，所以就話去池記，得嗰度有粥食。成10點鐘直接入去坐低，望完餐牌，發覺食碗粥都好貴，食麵平好多。而且跟餐仲要好抵，有飲品有小食或糖水送。我叫左個豬手麵，朋友點左個雲吞撈麵。雖然都夜，但入面人都幾多，大部份係遊客，因為聽到講普通話。食物上枱幾快，個豬手麵有2大嚿豬手，燜得好稔好入味，而且啲毛都清得好乾淨。雖然麵底有啲鹼水味，但唔重，個湯底單食會有啲偏咸，但因為跟餐有送飲品，所以配埋一齊食，味道剛好。朋友個撈麵份量頗多，雲吞大大粒，撈汁食，幾惹味。跟餐飲品好推介個薏米水！熱飲都大大杯，而且仲有成大半杯都係薏米黎，絕對真材實料。而且薑味好重，飲完好暖胃，好正。其實飲完個薏米已經好飽下，但仲有個糖水，我揀左海底椰燉雪耳，又係好足料。雪耳好多，有紅棗同海底椰加上好多南北杏，甜度剛好，食完好滋潤。成日經過都無機會食池記，今次一試，原來咁正。糖水熱飲十分足料，又熱辣辣，好過出面唔少糖水鋪。個餐係全日供應，幾時食都得，60零70蚊，有一個足料麵食，大大杯野飲同埋糖水送，食到好飽，真係好抵。食完仲有2張現金券送返，下次食又平啲，絕
成10點鐘直接入去坐低，望完餐牌，發覺食碗粥都好貴，食麵平好多。而且跟餐仲要好抵，有飲品有小食或糖水送。
我叫左個豬手麵，朋友點左個雲吞撈麵。雖然都夜，但入面人都幾多，大部份係遊客，因為聽到講普通話。
食物上枱幾快，個豬手麵有2大嚿豬手，燜得好稔好入味，而且啲毛都清得好乾淨。雖然麵底有啲鹼水味，但唔重，個湯底單食會有啲偏咸，但因為跟餐有送飲品，所以配埋一齊食，味道剛好。
朋友個撈麵份量頗多，雲吞大大粒，撈汁食，幾惹味。跟餐飲品好推介個薏米水！熱飲都大大杯，而且仲有成大半杯都係薏米黎，絕對真材實料。而且薑味好重，飲完好暖胃，好正。
其實飲完個薏米已經好飽下，但仲有個糖水，我揀左海底椰燉雪耳，又係好足料。雪耳好多，有紅棗同海底椰加上好多南北杏，甜度剛好，食完好滋潤。
成日經過都無機會食池記，今次一試，原來咁正。糖水熱飲十分足料，又熱辣辣，好過出面唔少糖水鋪。
個餐係全日供應，幾時食都得，60零70蚊，有一個足料麵食，大大杯野飲同埋糖水送，食到好飽，真係好抵。食完仲有2張現金券送返，下次食又平啲，絕對推介。
張貼
