焱丸水產 (已結業)

一年一度好友生日，無論如何都要食餐好，2個中女揀左銅鑼灣食飯睇戲shopping直落。 黎左銅記分店的焱丸水產食個生日飯，因為下午可以食多啲而且食豪啲，要大擦海鮮。 刺身先上，三文魚呀，泔甘魚呀、帶子呀，全部都肥美鮮甜，左口魚晶瑩有咬口，油甘魚厚切，入口油香滿溢，仲有大帶子，啖啖鮮味，好滿足！ 這裏的蟹肉薯仔沙律是必點的，番茄鮮甜，薯仔蓉打得幼滑，但入面混左粒粒薯仔，加上蟹肉蟹子，入口帶點卜卜脆！ 仲有個滿瀉的焱丸號壽司，滿滿的三文魚子傾瀉而出，海膽大大嚿，鮮甜無苦味，仲有吞拿魚蓉壽司，完全安撫左未食早餐的空虛感。 天婦羅一向都非吾愛，但朋友喜歡，不試還好，一試不得了。炸得香脆可口，一點也不油膩！炸得外脆內嫩，茄子、秋葵都好好食。仲有海膽，煙韌的米糰包住海膽，外面炸得香口，第一次食，好有驚喜。 磯燒白蛤好肥大肉厚，蛤肉脹卜卜，簡單用清酒燒已經好鮮甜。 甲羅燒可以話係呢度必點的，所以點可以錯過，蟹肉、青瓜絲、鵪鶉蛋、蟹子撈埋一齊，蟹味濃，蟹膏肥，越燒越香，陣陣蟹香，一口一啖，食唔停口。 食左一冷盤輪，最後點埋個A5和牛鍋就收手。牛肉、鍋係分開上