影片
營業時間
今日營業
11:00 - 22:30
星期一至日
11:00 - 22:30
公眾假期
11:00 - 22:30
公眾假期前夕
11:00 - 22:30
以上資料只供參考, 請與餐廳確認詳情
Bᴏxɪɴɢ Dᴀʏ嗰日我哋去咗朋友屋企玩，朋友話附近新開咗間Dᴏᴜɢʜ Bʀᴏs，咁就一於食佢啦😆2-4人分享套餐 $398包咗2個Pɪᴢᴢᴀ，3款冬甩同2款飲品Tʜᴇ Fᴇsᴛɪᴠᴇ Fᴇᴀsᴛ呢款餡料有蕃茄、水牛芝士、布里芝士、火雞腿片、煙肉香腸、蔓越莓醬、烤迷迭香，材料夠哂豐富，幾多芝士，有拉絲效果😚 而且用蔓越莓醬做底嘅Pɪᴢᴢᴀ的確比較少見，但又幾夾喎，整體味道就重口味少少，係惹味嘅👍🏻Tʜᴇ Cᴀʀʙᴏɴᴀʀᴀ呢款就有卡邦尼醬、水牛芝士、意式煙肉、黃金蛋黃、巴馬臣芝士、黑胡椒、新鮮蕃茄，味道相對濃郁啲，真係好似食緊卡邦尼意粉咁😆 佢哋每款Pɪᴢᴢᴀ仲跟一盒蒜蓉香草沾醬，除咗呢個招牌蒜蓉香草醬，仲有獨特嘅黑松露醬、煙熏燒烤醬同甜辣醬，用嚟食埋個Pɪᴢᴢᴀ邊，真係一流，一定唔會食淨Pɪᴢᴢᴀ邊🤣冬甩我哋揀咗Nᴜᴛᴇʟʟᴀ、吉士醬、開心果白朱古力，每隻都爆哂餡咁😍 又唔油膩，三款都唔算好甜好甜，果然係招牌冬甩🍩原味香脆雞翼 $88佢係單骨雞翼，食落好方便，炸到脆卜卜，再點埋上面提及嘅蒜蓉香草沾醬，又係Aɴᴏᴛʜᴇʀ Lᴇᴠᴇʟ😋松露芝士炸薯球 $58松露份量一啲都唔手軟，粒粒薯波都可以沾滿松露，味道好濃郁，脆卜卜，勁惹味🤤所有食材都即叫即整，新鮮制作，攞到返去仲熱辣辣🤩 仲要區區都有分店咁濟，總有一間喺你左近，好方便呀🤣
繼續閱讀
喺馬鞍山分店提早諗住外賣自取，我係經OpenRice買嘅，因為有九折，咁set好咗時間7:30去拎，點知7:30去到店舖，超過50個人喺度等外賣自取，包括普通客人同埋外賣員去到店舖因為冇電子版顯示自取號碼，所以唔知自己個號碼到未，但同時有50個人都問緊職員，職員選擇唔出聲，不斷收到外賣單就入單，跟住我想退款問佢退款得唔得？佢哋都係唔出聲唔答。淨係喺度不斷入單入單同入單之後現場好多人都話要退款，職員就係唔出聲唔答簡單啲就係佢哋爆晒廠，但都唔會停收單，有人等咗好耐都照入單繼續做最後我直接選擇離開，去隔離茶餐廳買兩盒外賣就算，然後經OpenRice做退款
繼續閱讀
有一日放工見到呢一間新開的pizza店大排長龍, 就知應該都是正野了🤩🤩但因為太多人😶🌫️, 所以打算等多一陣先再試下然後有一日星期五, 竟然不是很多人, 很快就入去坐到靚位環境不錯, 乾淨闊落🩷重點是他們的pizza真的很好吃!!pizza是即叫即整的,同埋服務員雖然是係外國人, 但全部都識講廣東話🥸我跟男友點了2個set for 1 ($118)Set for 1包一個pizza, 一個donut, 一個drink🩷我和男友各點一個bbq chicken pizza, 一個夏威夷pizzadonut 點了一個nutella, 一個biscoff------------------------------bbq chicken pizza (推薦指數:4.5/5)👍🏻👍🏻👍🏻👍🏻夏威夷pizza (推薦指數:4/5)👍🏻👍🏻👍🏻👍🏻nutella donut (推薦指數:2/5)👍🏻👍🏻個人認為有點太甜biscoff donut (推薦指數:4.5/5)👍🏻👍🏻👍🏻👍🏻這個很好吃
繼續閱讀
我係12月25號6:00左右經k字平台叫左個四人餐，話6:30左右有得拎，我就按時去拎啦，然後發現現場人頭湧湧，櫃台前聚集左一大批人等拎餐，門口都無得入。我地都真係算耐性咁等，等到7點幾人群都未郁過，仍然無人理你冧哂檔，佢地個款就係冇人想行出嚟handle件事，成程眼尾望都唔望下，你有你排我有我耷低頭做。好多野就擺左係度無人pack，app又催我拎餐。終於到7點8唔等放棄，申請退款。我個聖誕party轉左係隔離買雙餸呀頂你。如果25號正日做唔切，點解唔係外賣平台停止接單。如果話老闆規定要照係平台上架，咁現場職員係米都可以適時update下人，我做到單號幾多，等人有心理準備仲有幾耐等自己衡量，而唔係要人盲等。根本成間舖管理都有問題，幾好食都好俾你咁搞法想人返轉頭幫襯都難啦。
繼續閱讀
.#foodie #hk #hkfoodie#HTB美食推介【馬鞍山酸種薄餅｜美食沙漠終於有爆漿冬甩】🐨2-4人分享套餐 $398推薦度：⭐️⭐️⭐️⭐⭐套餐包咗兩個Pizza、三個冬甩同埋兩杯嘢飲，四個人食都好夠😋所有食材即叫即整，仲有埋開放式廚房俾大家睇，搞到小編都好想試吓整😂.🐨The Pepperoni Supreme🐨The BBQ Chicken兩款Pizza都放咗滿滿嘅芝士，拉絲絕對無問題～ 辣肉腸薄餅有兩款腸，份量勁多，辣肉腸薄薄地味道較濃、意大利香腸厚身有口感，層次分明！BBQ雞薄餅燒烤醬好出少少甜，雞肉好嫩滑～另外仲配埋蒜蓉香草醬，又會係第二種食法😆🤣小編見佢仲有黑松露、燒烤醬同甜辣醬，總有一款會啱你口味🫶🏻🫶🏻.🐨榛子🐨吉士醬🐨開心果白朱古力冬甩有好多多款味道可以揀，以上三款一咬就爆晒漿！經典口味可揀吉士醬配砂糖；最主潮流嘅梗係是開心果；而係甜品控嘅小編最鍾意就係榛子啦🤭麵包鬆軟，配咗外面嘅砂糖有少少脆嘅口感，加埋入邊爆漿嘅餡幸福感滿滿💕——☼——☼——☼——☼——☼——Dough Bros Pizza & Doughnuts 📍地址：馬鞍山鞍誠街8號MOSTown Street新港城中心大街(3期)地下G-3/12&33號舖🐨推薦度：😋😋😋😋😋/5 🪸環境：👾👾👾👾👾🗣️服務：👍🏻👍🏻👍🏻👍🏻👍🏻📸食物打卡度：💡💡💡💡💡🛠️分類：#HTB馬鞍山 #HTB意大利菜 #HTB甜品.#馬鞍山美食 #馬鞍山 #意大利菜 #甜品 #薄餅 #冬甩 #爆漿 #芝士拉絲 #美食推介
繼續閱讀