影片
港鐵西營盤站 C 出口, 步行約3分鐘
繼續閱讀
營業時間
今日營業
12:00 - 15:30
18:00 - 21:30
星期一至日
12:00 - 15:30
18:00 - 21:30
以上資料只供參考, 請與餐廳確認詳情
《博多拉麵 - 火之鳥》醬油雞🐓湯拉麵🍜📍西環西營盤高街25號前座地舖因為我住响九龍，對於 d 港島或新界嘅拉麵店都會比較保守，如果响 OR 唔多人評論，Menu唔吸引嘅店，我多數都會直接 skip。今次呢間《博多拉麵 - 火之鳥》，我半年前做 research 都有見到，不過正正就係上述程況，所以冇特別去試。點知响 d 拉麵關注群組，久唔久都有網友會提起，而 comment 都唔錯喎，所以就決定試佢一試。香味 (5/5)以醬油雞拉麵黎講，佢算係好夠香。除左雞油，醬油嘅香味，仲有一陣強烈嘅蔥香，應該係來自炸蔥，香氣非常足。湯 (5/5)呢間店嘅menu看似複雜，有成12款口味揀。但睇真 d，湯底都係豚骨湯，雞湯，或兩溝為主。呢個醬油雞湯非常好飲，色澤非常靚，雞油夠香，夠味之餘又唔會膩，濃淡適中，鹹度偏少少高但還是可接受範圍內，鹹，甜，香，齊晒章。另外我個人來講食到有魚乾嘅味道但唔係太肯定，總之呢個湯係好好飲，湯嘅溫度亦非常足夠，香港來講醬油湯我會排前三。麵條 (4.5/5)中細麵，韌性夠，少捲曲，但唔係爽口類。我個人來講鍾意食爽麵，但因為佢好夾個湯，所以我都比好高分。配料 (4/5)首先，我認為如果定性為雞湯麵，點都要有雞叉燒，不過佢係冇嘅，只有豬叉燒。而佢嘅豬叉燒係炆到非常腍，同非常薄切，肉味係夠，甘香嘅，只不過我唔係好鍾意呢款口感。溏心蛋，同其他具就正正常常啦。另外我點埋炸雞，都算幾好食，夠熱夠嫩夠多肉汁，中上有餘。整體 - 值得推薦 👍👍👍👍👍 呢碗麵都只係 78 蚊，考慮埋佢嘅性價比，我會直接將佢列入全港值得食嘅拉麵頭5左右，就算齋講滿足感都有頭10內。另外一提，佢用嘅係直身碗，香港拉麵店係比較少有，我認為都算係特色之一。
繼續閱讀
因公司在附近，呢兩個月大約去過五六次午飯和晚飯，真係忍唔住要投訴！嗰度D後生女侍應態度散漫無禮，想再加食物認左又唔嚟！無笑容，一間食物咁一般嘅店若然有咁嘅員工真係等摺埋！一句講哂我和班同事以後都唔再去，比七十多元一碗麵唔係要四季酒店服務，但絕不能食到一肚子氣！！！！😡
繼續閱讀
岩岩去堅尼地城卑路乍街新鋪，我地知道新鋪岩岩開人手唔夠，所以我地都盡量體諒。但我地落完單等咗35分鐘都未有就叫人幫我地跟跟，因為見到旁邊枱比我地遲黎既人野食都已經黎晒。之後等左十幾分鐘都無消息我地又叫另一個侍應跟，等多十分鐘我地再問多一次先話原來張單都唔見埋。。。加加埋埋前後係餐廳坐左一個鐘先走黎問我order左啲咩？真係一肚火最後我地咩都無食就走左香港食肆做唔住係有原因Blacklisted….
繼續閱讀
拉面好咬口，湯好味好飲，想起味道便流口水那種。日本人主理，想一食再食。 但下午太多學生，基本等20分鐘以上，等得太久，店太細。 保持以往在石塘咀的水準，好味道的肉，湯及面
繼續閱讀
之前食過一次但無影相，嗰次已經覺得佢哋態度麻麻地。食物味道唔算差。今次再去，兩個人食。咁佢要食之前畀錢咁咪畀咗錢先囉。無散子拎咗兩個五毫子出嚟，個呀嬸店員話唔收，話係規矩，又話可以畀Alipay同payme。咁真係兩樣嘢都無嘛…個呀嬸唔信又話無理由。唔收毫未係重點，而係講埋畀你聽你又唔信。然後個呀嬸拋低一句：咁你地再諗下先啦。本身我都無嬲到，一聽到佢話叫我諗下先真係即係刻上火！諗乜嘢？我咪講咗無毫子！五毫子唔係錢？又唔係幫手諗辦法，又唔係入去問一下老細，完全唔識做生意，返入去你自換返個一蚊畀老細都已經處理咗！我唔係要佢幫到咁，唔好到我講個個係咁佢咪好唔得閒！而係佢態度問題，叫我諗下先。不如諗下自己態度有幾差先！不知所謂！已經唔係一個半個人話同一個呀嬸態度差！上次serve我係個係後生嘅，態度好好多！一樣還一樣，味道方面唔係差，不過不失。
繼續閱讀