影片
營業時間
今日營業
06:30 - 22:30
星期一至日
06:30 - 22:30
*最後落單時間: 22:00
以上資料只供參考, 請與餐廳確認詳情
今日又同同事出去食晏，行去離大連排道遠啲嘅源記，同事們好鍾意食呢度嘅沙嗲牛，大讚沙嗲味濃，仲有花生粒，而且牛肉份量多，幾乎是佢哋每次去必叫！沙嗲牛麵屬常餐，會配埋火腿炒蛋及一塊多士仔，叫埋杯嘢飲，大約$52-55不等，睇吓叫唔叫凍飲，沙嗲牛喺呢度好受歡迎，有時遲咗到埗會賣晒，所以都要睇機會先食到！除咗常餐，呢度啲牛腩粉都算唔錯，不過今日我唔想食常餐同牛腩粉，所以就點了個芝士焗豬扒意粉，不過味道一般，下次都係跟大隊食返沙嗲牛！
繼續閱讀
話說一家大細咁夜晚走左入去食晚飯，叫左個生炒骨既餐，黑椒牛仔骨既餐同埋一碟差燒燒肉飯。一開始都無乜野，然後因為有兩個小朋友既關係就問阿姐攞兩隻碗，個阿姐反覆問我要兩隻碗？我仲以為我係問緊佢攞錢咁，啲態度真係世一。然後問佢有個飯未到，另一個阿姐竟然問我邊個幫你落單你應該要追番0個個人而唔係問我，真係好野，我點會認得你邊個打邊個。野食以咁既價錢份量超少不但止，個$88黑椒牛仔骨，我咬到牙血都出埋都咬唔入，有7成係食唔到既，而且極重雪味不過我都放棄左出聲，因為隨時唔知俾啲乜你。呢間野都算係我呢年食個最差既餐廳，沒有之一。
繼續閱讀
晚餐先不過$50 今時今日黎講真係好扺食常餐除咗多士之外 仲可以加錢轉奶油豬/波蘿油, 奶油豬都叫做唔少茶記會有, 但可以轉波蘿油真係第一次見, 可能我見識少不過最近無咩quota, 都係要返多士正正常常算一上枱賣相都好吸引, 個奄列同多士都熱辣辣，真係新鮮整起, 奄列個蛋亦唔係熟晒，好正好滿足火腿通個湯都好味, 又有少少粟米點綴下甜甜哋, 補充下fibre都好通粉個粉量都比我想像中多, 上到黎都幾大碗, dinner黎講都夠飽開心揾到間扺食高質茶記
繼續閱讀
今日經過見到呢度全新裝修後,感覺乾淨企理,以前都有食過,老實說以前感覺不太好,衛生情況同食物質素都比較一般,但今日見到裝修後光猛企理,食物都好似多元化左,同朋友決定再入去食個下午茶我點左個鮮蝦炸雲吞$42 ,炸雲吞新鮮炸起,熱辣辣,咬落去脆口,入面內餡好足料,食得到有蝦肉,揀左配半件西多士,好厚身,食物質素提升不少值得一讚~朋友點左個迷你燒味雙拼 $48 香脆燒腩仔同五香燻蹄,賣相都靚仔新鮮,燒腩仔皮脆肉嫩,完全唔乾身,以前食過講真賣相一般雖然今日食下午茶,感覺比以前改善了不少,下次試下早餐先~
繼續閱讀
葵芳呢度附近，我係覺得呢間既早餐算係好食！😋但係日日叫凍啡小小甜，出嚟既結果唔係超甜就係好甜🙄都係要換過杯俾我尋日師傅終於出聲話俾杯齋啡我自己加糖水😒#咁我使鬼嚟俾錢食個早餐叫嘢飲咩今日我叫凍啡走甜啦！將就下啦！因為師傅 #唔得！😑#服務性行業#以師傅為先#顧客至下
繼續閱讀
您可能會有興趣的...