影片
港鐵葵芳站 D 出口
繼續閱讀
營業時間
今日營業
13:30 - 21:30
星期一至日
13:30 - 21:30
以上資料只供參考, 請與餐廳確認詳情
去葵涌廣場掃街必食！！！心形雞蛋仔😍咸味又有，甜味都有味道任君選擇，唔知揀咩味？都可以揀雙拼價錢都合理，而且離遠已經聞到好香即叫即整 等5-8分鐘左右拎上手好脆😍唔太甜，好好味😋外脆內軟，唔會太濕，唔會好多粉可惜。。。依家唔再做心形雞蛋仔，得翻最原始款啦🥲🥢康媽美食📍葵涌廣場地下#探店 #掃街 #葵廣 #雞蛋仔 #香港媽媽 #Blogger #育兒分享 #吃喝玩樂 #親子樂 #日常生活 #食譜分享 #魚蝦蟹親子玩樂日常日誌
繼續閱讀
係葵廣臨上扶手梯聞到好香蛋味～即刻番轉頭望望啲味全部都好吸引🤤係雞蛋仔同格仔餅之間，我揀左雞蛋仔，因為有雙拼😂就揀近期大熱嘅萬物皆可開心果+芝士，貪佢夠曬邪惡🤭$30 算抵3點鐘，非高峰時段，冇人排隊，前面得一個人等緊，等5分鐘左右就有得食～值得一提，老板超friendly有禮貌細心，要讚下😂攞上手熱辣辣脆卜卜😍開心果個半見到好多開心果粒粒，睇到都開心！咬落去口感係好好✨做到外脆內軟，亦都食到有蛋香，摸落食落唔油唔heavy~但芝士味同開心果味都唔算好出，開心果主要係有顆粒感同淡淡果仁香，而唔係落曬醬好漿好濃味個個種。芝士就…我一度以為佢係咪整錯原味俾我😂但睇真啲又真係有啲野係入面，只能夠講冇想像中咁邪惡整體來講係有誠意嘅雞蛋仔！口感好、蛋味有，但特色味唔算好出。會再去食，可能會試下朱古力呢啲濃味啲嘅，或者$18原味雞蛋仔都好抵！
繼續閱讀
初六收工係葵廣行完街臨走前想食d小食，行到地下見到呢間好多人等緊。作為開心果迷買咗底開心果雞蛋仔，一邊等見到老闆好有heart好好笑容同路過既人介紹下d雞蛋仔口味。即叫即整開心果雞蛋仔外脆內軟，咬落仲有d果仁口感，好味見好多人揀雙拼，下次又試下先。新年見到咁有禮貌又好笑容，心情都靚d haha
繼續閱讀
老闆教路@即食係食雞蛋仔要訣之一，所以一定要親自到來買，先食到最好食既雞蛋仔，今次我買左個朱古力開心果雞蛋仔，味道會濃郁點，不過都夾到。見到隔離位姨姨買左個芝麻味，下次都要試吓
繼續閱讀
好久沒有逛葵涌廣場, 經過地下那層見有賣雞蛋仔的店, 挺多口味選擇, 更有好幾款雙併組合, 但都總有一味不太合心意. 問了老板可否自選, 人很好的他問了我想食的味道後很爽快地表示無問題. 不久熱騰騰的雞蛋仔到手, 最令我驚喜的是開心果, 有顆粒的口感, 味道很香濃, 甚至有點蓋過了紫薯的味道, 價錢也不貴, 可惜雖然地點交通便利, 但不在自己的活動範圍, 去一趟挺費時, 不方便常光顧.
繼續閱讀