影片
付款方式
以上資料只供參考, 請與餐廳確認詳情
食家推介
啦啦啦啦~~午餐時間到又系時候出動，今日繼續系荃灣穩食。茶餐廳食多佐有d悶啦，所以轉場去飲茶 🥐 奶皇流沙包：咬開流沙餡料好多好香咸蛋黃味，口感鬆軟。 🍤黑松露鳳眼餃：表皮同蝦膠一樣晶瑩剔透，蝦肉爽口彈牙仲加佐少少筍粒，加佐d黑松露醬系入面，令到食材更加鮮香。 🌶️香煎虎皮椒：魚肉新鮮，煎得啱啱好，唔會太過火。 🥧杞子桂花糕：桂花味好濃，甜味啱啱好（系我中意既甜味） 🍆燒汁釀茄子：茄子系蒸既，所以唔會太油膩，然後將煎好既蝦膠放上面，淋上甜甜地既燒汁，雖然感覺清淡，但系味道可以。 🍚時令臘味飯：臘味同米飯幾時都系絕配，基本唔會失手，臘肉肥瘦均勻，臘腸都屬於偏瘦，適合我口味。環境：環境舒適，即點即做上菜速度否都算快
繼續閱讀
每次經過這間星點心，門外均有人等候。今天過了2:00諗住少啲人，點知都係要等幾張枱。星點心總共有57款點心選擇，即叫即整/蒸，總有一款啱你。🌻 鴛鴦燒賣王$30鮮蝦燒賣兩粒、乾蒸牛肉燒賣兩粒鮮蝦燒賣材料豐富，好多蝦肉、面頭又蟹籽粒🌻 蝦餃拼粉果$32星點蝦餃皇兩粒、潮州粉果兩粒蝦餃皇勁大粒，好多蝦肉，正🌻金珠鹹水角$23即叫即整，好香脆🌻奶黃焗菠蘿包$25菠蘿包外脆，可惜奶黃餡一般🌻香茜牛肉腸$26真材實料，牛肉腸又香茜，份外好味呢度嘅甜蜜叉燒酥好好味的，今次一早沽清，下次要再嚟食過。
繼續閱讀
個日諗咗好耐唔知食咩好，咁經過星點心望下餐牌啲嘢好似幾啱食就入去。。。入到去環境都好光猛乾淨，員工服務都好好。。咁叫咗幾樣野食，味道都好好鳳爪好香，但略嫌唔夠淋唔夠入味蝦餃晶凝通透，爽口彈牙，必叫之選仲有叉燒腸，叉燒菠蘿包都係好食嘅唯一要彈嘅就係個土魷肉餅飯佢塊肉餅薄到紙咁，如果厚返啲會更好呢間都值得去食嘅，不過選擇就唔夠坊間啲點心舖多野食選擇，不過佢有鵪鶉蛋燒賣，好相試但奈何個日得2人怕食唔曬，唯有下次再去食
繼續閱讀
平時都見多人等位，今日媽媽想飲茶，經過附近記起走去試！茶位只需6蚊咋，真係沖茶，唔係之前試另一間的茶包，免加一！叫咗鐵觀音，茶香水滾👍飲茶必食的义燒腸，送埋黎時覺得好靚🥹，皮算ok唔會太厚但又未去到好薄，入口覺得味道口感都幾好，下次可以再食👍叫咗個好少有的菜干豬骨粥，粥綿綿的，唔會太咸，啱老人家食，兩個人食每人都有兩細碗的！無晒义燒酥，轉咗個奶皇菠蘿包，味道一般最好味嘅蝦餃併粉果，忘記咗影相😓大大粒蝦肉皮薄薄的，粉果同樣皮薄薄的，料多美味,媽媽很滿意👍價錢合理的，服務好好，下次可以再試其他點心
繼續閱讀
中式點心專門店吸引之處在於「專注」。他們專注於點心，提供‘’相信‘’比酒樓更新鮮的點心，而且價錢大眾化，所以很多街坊都會光顧。今晚在荃灣區閒逛，經過眾安街「星點心專門店」，門外只有兩對男女排隊，動起吃點心的念頭。向店員取號碼排隊時，店員熱情的招呼，留給我好印象。15分鐘後便入座一張4人枱，店員強調本店不設搭枱，我們可以把厚衣服、手袋和背包放在一邊，舒服地享用點心，貼心👍🏻瑤柱灌湯餃的湯味道鹹咗少少，溫度燙咀，餃皮厚薄適中，合格。流沙煎堆仔用流心奶黃做餡料，加上外脆，不錯。燒汁釀茄子將一片蝦膠放在蒸熟的茄子上，配以少量燒汁，好味。脆皮蝦腸粉用脆皮蝦替代油炸鬼，效果更佳，油炸鬼相對地粗大，而脆皮蝦感覺精緻啲。鴛鴦燒賣皇的干蒸燒賣放了一些香葉，有別於一般的干蒸燒賣。醬皇蒸鳳爪的醬料味道比一般酒樓淡，有意思。以大眾化價錢來說，點心是中上水平。服務方面，店員姐姐對客人要求很快回應，態度好好👍🏻
繼續閱讀
您可能會有興趣的...