影片
營業時間
今日營業
11:00 - 22:00
星期一至五
11:30 - 22:00
星期六至日
11:00 - 22:00
公眾假期
11:00 - 22:00
以上資料只供參考, 請與餐廳確認詳情
有關餐廳
餐廳告示
客人如需訂座中午時段，歡迎致電 或 WhatsApp訂座!
2024-11-08
有關獎賞計劃
優惠
相關文章
呢日去開啟德行街 就行埋Mikiki 順便去揾下食今次嗌咗個二人餐 包咗是日餐湯 雜菜湯 前菜就揀咗西班牙風乾火腿伴哈密瓜沙律 哈密瓜加火腿幾時都係我既all-time favourite 甜甜鹹鹹加埋個加咗黑醋汁既沙律 就即刻打開咗個胃口Main Course 揀咗龍蝦汁波士頓龍蝦意大利飯 意大利飯加上龍蝦汁烹調後特別濃郁🤤而且飯粒軟硬度控制得十分好 唔會過硬 龍蝦肉係燒過但唔會乾 肉質都唔錯另外仲有炭燒紐西蘭肉眼牛扒(碟上）medium上枱就比佢賣相吸引住 切開見肉質依然非常tender 保留到肉汁 肉味濃郁 油脂都尚算豐富 整體滿意！ 甜品方面其中一份升級咗自家製麻糬提拉米蘇 自家製麻糬十分有誠意 而且海绵蛋糕加入既咖啡同可可粉分量比例恰到好處 味道唔係一味死甜 值得升級 ⭐️ 另外冇升級既是日甜品係New York Cheese Cake 十分有驚喜 芝士味濃而不膩 食一件絕對唔夠喉去開呢邊行街或者幫啟德體育園睇show 都可以考慮行遠少少黎呢邊揾食 坐得舒服 整體來講係食得滿意既一餐
繼續閱讀
Plato Cafe & Bistro (Mikiki)分店性價比高，親民西餐叫左三個晚市套餐🍽🍽🍽跟餐湯和飲品西班牙海鮮飯🥘 $148魷魚，大蝦，青口也新鮮。西班牙飯好重海鮮味， 粒粒飲也好均勻。 份量剛剛好，也是餐廳招牌菜。西班牙黑毛豬鞍🥩 $228眾所週知西班牙黑毛豬肉質較鬆化，脂肪分佈均勻，肉味也較濃郁，油分甘香。豬鞍跟薯菜同西蘭花，還有一個酸酸甜甜醬，好醒胃今次真冇失望👍，大家也覺得肉質好柔軟細密，沒有肥膏，啱曬不愛 油膩的女士們。卡邦尼煙肉意大利粉🍝$108好重芝士，忌廉和橄欖油味洋葱，煙肉，香洋蔥絲和蘑菇片意粉軟硬適中， 醬汁份量啱啱好是日餐湯 🥣甘筍忌廉湯🥕甘筍比人感覺草腥味。這個湯帶香甜，味道恰當，好味榛子朱古力☕️。有個拉花好有心思西班牙咖啡熱檸水餐廳以美式， 德國菜，西班牙菜，歐陸西餐為主🍽之前已在油麻地分店吃過幾次， 有水準保證，得知新蒲崗有新開分店開左幾個月所以過來食下。餐廳裝修環境雅致， 顏色以湖水綠和米色為主，坐位舒適，有大玻璃可望到啟德方向。 朋友在左近返工，話中午十分多人，吃得好急趕，今晚可以慢慢享受太滿足🥰📍新蒲崗太子道東638號Mikiki 1樓116號舖。Shop 116, 1/F, Mikiki, 638 Prince Edward Rd E, San Po Kong
繼續閱讀
今日同朋友去新蒲崗Plato Cafe & Bistro食晚飯，呢間西式餐廳位於太子道東Mikiki 廣場一樓，餐廳地方寬闊，裝修舒適溫馨，枱凳擺放整齊，坐得好舒服，餐廳員工服務態度好，餐牌食物款式都唔少，而套餐款式都非常吸引，有餐湯、前菜、飯/粉、主菜、甜品。而我哋就選精選二人套餐。🌟是日餐湯（南瓜湯）南瓜湯口感濃郁，帶有自然的甜味，搭配奶油或香料，喝起來溫暖順滑，非常好味，食主食前飲嘅湯品，飲落令人開胃。🌟風乾火腿伴哈蜜瓜沙律風乾火腿伴哈蜜瓜沙律係一道經典嘅開胃前菜，風乾火腿嘅質地柔軟亦帶有嚼勁，仲有濃郁嘅鹹香和油脂香氣，質地柔軟嚼勁，而哈蜜瓜提供了自然的甜味和多汁感，清脆爽口，結合了鹹香的風乾火腿和清甜多汁的哈蜜瓜，味道層次豐富，口感清爽鮮明，係一道開胃前菜，亦非常適合搭配一杯白葡萄酒享用。🌟波士頓龍蝦龍蝦汁意大利飯波士頓龍蝦汁意大利飯非常豐富且層次分明，龍蝦汁為基底，帶有濃郁的海鮮風味，鮮味十足，龍蝦肉質鮮嫩多汁，入口彈牙，米飯係正宗嘅意大利飯，米粒保持嚼勁，不會過於軟爛，加上埋蒜、洋蔥、白酒來調味，風味和諧，意大利飯絕佳搭配濃郁的龍蝦汁，米粒吸收了龍蝦的精華，口感濃郁且帶有海鮮的鮮甜，令人食得滿足。🌟露絲瑪莉香草燒羊架（五成熟）露絲瑪莉香草燒羊架嘅口感非常豐富且多層次，五成熟羊架內部呈現粉紅色，經過燒烤後羊架外層有酥脆嘅外皮，與內部嘅肉質有鮮嫩柔軟多汁，咬落去時感受到嫩滑感。香草風味嘅露絲瑪莉的香氣濃郁，帶有松木和柑橘味，與羊肉的天然風味完美融合，增添了一種清新嘅草本氣息。羊肉五成熟時係最恰到好處，既不會過於油膩，又能提供足夠的滋潤感，每一口都充滿香氣。🌟自家製麻糬提拉米蘇自家製麻糬提拉米蘇結合咗傳統與創新，層次豐富，口感多變，風味獨特，係一款令人喜愛嘅甜點。這道甜品結合了傳統提拉米蘇的咖啡香氣與奶酪的香甜和麻糬的米香Q彈口感完美融合，整體甜而不膩，層次豐富且帶有創意。🌟Dreyers 雪糕杯Dreyers 雪糕杯賣相好靚，尤其是係一個紅色心形嘅雪糕，食落口感綿密，味道香甜，作為甜點非常適合，能為整頓餐點畫上一個清爽的句點。
繼續閱讀
一個人嘅晚上去左啟德附近嘅mikiki商場食飯，商場好多餐廳，有天橋接駁啟德站同Airside 好方便。我就去左一樓嘅Plato Cafe & Bistro食dinner有dinner set,二人set或者單點餐廳光猛，用色柔和，座位闊落好舒服。玻璃望出去都幾開揚。做完運動好肚餓嘅我就叫左個dinner set再加配甜品。試左 西班牙黑毛豬鞍餐跟配 田園沙律田園沙律先到，沙律菜種類豐富又新鮮配上酸甜醋汁，食落清新，開胃健康。主菜 西班牙黑毛豬鞍上枱個陣，表面仲有d油脂喺面頭燒緊。望落煎得啱啱好，聞落好香。切開豬鞍厚身，有份量，肉質好嫰，顔色分佈平均。咬落juicy，香濃肉香配埋青蘋果醬，中和油膩感，肉味更加香。間中西餐配嘅雜菜都比較硬身，呢到嘅燒西蘭花，唔會過硬，喉落夠腍。冇特別調味，食落有清香，好舒服。原隻焗薯依家都好少有，薯味香濃仲熱辣辣。飲品我就加配叫左 湯力咖啡 少冰擺盤靚靚之餘，原支tonic, expresso可以自己沖，飲落爽口清新，因為你原支，氣泡感十足。小食加配 炸蕃薯條大大份，上枱仲感受到新鮮炸起嘅熱氣。做到外脆內軟之餘，蕃薯嘅綿密同香甜都保留到，加配性價比好高。鐘意蕃薯條推薦一試。晚市好旺場，店員人手充足，反應快都好有禮貌，餐廳今日仲播住耳熟能詳嘅廣東歌，好有親切感。
繼續閱讀
試咗佢嘅「精選二人套餐」，＄428 有齊沙律、前菜，主菜同甜品，性價比高！頭盤「田園沙律」同「風乾火腿伴哈密蜜瓜沙律」蔬菜新鮮，車厘茄配甜酸醬，清新開胃；Parma Ham 夾住清甜哈密瓜，好配搭！主菜「波士頓龍蝦龍蝦汁意大利飯」的龍蝦肉質唔錯，蝦膏滲入risotto，飯粒 al dente 得嚟帶 creamy口感。另一道「西班牙黑毛豬鞍」，外層煎到微脆鎖住肉汁，配自家製蘋果蓉解膩，肉質鬆化唔韌！甜品係「牛角窩夫伴雪糕」，窩夫外脆內酥，夾住雲呢拿雪糕同焦糖醬，好味！🔸田園沙律🔸風乾火腿伴哈密蜜瓜沙律🔸波士頓龍蝦龍蝦汁意大利飯🔸西班牙黑毛豬鞍🔸牛角窩夫伴雪糕
繼續閱讀