影片
以上資料只供參考, 請與餐廳確認詳情
相關文章
天后依間人氣乳酪店星期五嘅晚上真係人頭湧湧，有一家大細、情侶或閨蜜等. 不過由落訂到有得食都唔係等好耐.乳酪味主要係以原味為主，聽講好似係用北海道特選3.6牛乳加埋希臘低脂乳酪整成😱.另外落單時見到加5蚊可以轉近期大熱嘅開心果味乳酪，當然要試吓😋.滿足杯這個滿足杯可以選三款配料同一款醬汁，我哋這個保留原味乳酪，配料選了藍莓、杏仁脆片、蘆薈、另外加錢要埋草莓凍乾和繽紛樂，醬汁選野生蜂蜜🍯。店員用心擺放配料，擺得靚靚俾客人享用之餘仲可以打卡😍。雪白嘅原味乳酪質感厚滑，酸甜味道剛剛好，加埋色澤光滑嘅野生蜂蜜🍯，濃稠嘅質感配埋香滑嘅乳酪，甜而不膩，絕配👍🏻，完美地提升咗乳酪的風味。新鮮爽脆又大粒嘅藍莓、香脆可口嘅杏仁脆片、爽甜多汁嘅蘆薈、酸甜酥脆嘅草莓凍乾加埋大人細路都鍾意嘅繽紛樂，每一口都令我好滿足！🍯💖牛角杯另一杯我哋選咗牛角杯，這款可自選兩個配料及一款醬汁。壓扁咗嘅牛角包，喺早前韓國爆紅嘅人氣手信小食，近排喺香港不少店舖都能夠見到佢嘅蹤影。牛角包烘烤至薄脆狀態，口感層層酥脆，加埋啖啖牛油香，一啖乳酪一啖牛角包🥐，真係會令人食上癮🙈！乳酪我哋就加錢要咗開心果口味，濃度剛好嘅堅果味道與原味一樣咁出色。搭配至愛嘅焦糖脆脆、煙靭嘅抹茶麻糬、另外加錢要埋蓮花焦糖餅及香草碎石，配海鹽焦糖醬，微鹹嘅帶甜嘅口感真係令我這個焦糖控停唔到追食😂。價錢方面唔算貴，價錢基本大概五六十蚊有交易，重點好味之餘份量又多，食晒一杯已經飽，好滿足！配料醬汁選擇方面都幾多，樣樣都想試😆，下次要試吓其他配搭先，真心推介👍🏻❤️！
繼續閱讀
主打健康低脂的希臘乳酪雪糕，口感幼滑，甜度適中🍵 MATCHA GARDEN 抹茶園 ：濃郁抹茶風味，搭配希臘乳酪雪糕，清新又解膩。 💛 GOLDEN GEM 黃金寶 ：芒果的香甜與乳酪的滑順完美結合，口感層次豐富。🍇 酸甜可口雙莓Croffle ：雙莓的酸甜與鬆脆的Croffle交織，清爽又美味。 🥭 芒香乳酪Croffle ：芒果的鮮甜搭配乳酪的細膩，讓人一口接一口。這家乳酪雪糕店不僅提供健康選擇，還有吸引人的創意甜品，是甜品愛好者的必訪之地！✨
繼續閱讀
熱天絕對唔可以錯過中環呢間新開嘅乳酪雪糕！除咗可以可以涼吓冷氣，仲可以坐吓休息，而且仲係pet friendly!芒香乳酪 croffle $40酸甜可口雙莓酪 croffle $40兩款窩夫都好酥脆鬆軟，配上乳酪同生果醬，酸酸甜甜好清新！-MATCHA GARDEN-REGULAR CUP揀咗開心果乳酪雪糕、開心果醬同開心果碎石！超級推薦呢個組品！唔膩又重開心果味！🫠Drool Froyo （中環）香港中環伊利近街14號地舖
繼續閱讀
路過見到Drool Froyo係平日夜晚都有人黎排隊😄就心思思試下佢地既甜品😊乳酪雪糕呢幾年已經唔再係大熱😃但屹立不倒一定係有D原因既今次我就揀左佢地嘅黃金寶黎試😚發現新驚喜💥乳酪本身依然濃厚滑溜🥛表面有杏仁脆片👌🏻仲有D麻糬同蜜糖係表面🤤真係令人食指大動😋個乳酪配埋蜜糖酸酸甜甜✨麻糬反而無咩味純粹係增加口感😊杏仁脆片大大塊好IGable✨食落去個內餡居然藏住大大粒芒果🎯異常香甜😚成個組合邪惡到震🤤雖然價錢再貴咗少少💸但真係足料到喊😭食乳酪雪糕做飯後甜品自我感覺良好同健康😄下次黎到天后我都會想再試下其他口味😚
繼續閱讀
【🇭🇰真心推介｜Drool Froyo乳酪雪糕抵食到癲！26款配料任砌，食完飽到打嗝🍦】 我最近瘋狂覆啅呢間乳酪雪糕店，真係食過返尋味啊！😍 記得第一次經過佢門口，見到個Menu已經雙眼發光，即刻衝咗入去試，結果...而家成日心思思想再去食！ ### 🥛乳酪底：濃郁得嚟又唔漏講真，我平時好怕食乳酪雪糕，因為好多店都做得太酸或者奶味唔夠。但呢間真係唔同！佢哋用北海道3.6牛乳混合希臘乳酪，第一啖食落去，個奶香「嘩」一聲爆出嚟，跟住先慢慢滲出微微嘅酸味，個balance做得超好！我個friend原本話「乳酪雪糕有咩好食」，食完即刻改口話要encore多杯！😂 ### 🍫配料大過天：揀到選擇困難症發作 個配料list長到唔知點揀😂由脆脆嘅corn flakes、朱古力碎，到我最愛嘅芒果同麻糬都有。仲有9款醬汁任揀，我個人最鍾意海鹽焦糖，鹹鹹甜甜同乳酪超夾！💯 ### 💰價錢平到笑：學生哥都食得起 最抵死係個價錢！$50蚊左右就有交易，重要係份量多到嚇親人。我試過一個人食晒成杯，結果飽到連晚餐都食唔落（但係好滿足啊！）。🤣 ### 🌟食後感：開心過食buffet 我覺得食呢杯雪糕最正嘅地方，除咗好味之外，就係個過程真係好開心！由揀配料到睇住店員慢慢幫你砌，成個感覺好似細個去冒險樂園玩咁。每次食都可以試新配搭，永遠唔會悶！ 總括嚟講，呢間絕對係我近期最愛嘅甜品店！#香港必食 #乳酪雪糕 #甜品控 #平靚正 #食過返尋味 🍨💕 #香港雪糕 #雪糕控 #天后 #香港美食推薦
繼續閱讀
您可能會有興趣的...