影片
港鐵天后站 A2 出口, 步行約2分鐘
繼續閱讀
電話號碼
67171352
開飯介紹
餐廳每日採購新鮮海鮮，多以清蒸烹調海鮮，務求帶出最新鮮的味道。菜式根據時令海鮮而定。菜單可先向餐廳查詢，亦可事先向餐廳指定菜式。
繼續閱讀
營業時間
今日營業
18:00 - 00:00
星期一至日
18:00 - 00:00
公眾假期
18:00 - 00:00
公眾假期前夕
18:00 - 00:00
以上資料只供參考, 請與餐廳確認詳情
-
網上訂座即將推出
慶祝母親節，屋企人book左邦哥，發現好有驚喜。由前菜到甜品都好有心思，無論賣相定味道都好出色。香鱘魚子魚飯係超級鮮甜，第一舊我就咁食都已經係好甜，食落有種停唔到口咁。 食完仲會將魚骨炸左去食埋，都係一流。另一道想講嘅係龍蝦蒸蛋，龍蝦味本身就好正，特別係應該係佢個蛋應該係蛋白，令到成件事好似布甸咁幾得意。但海鮮配偏甜嘅蛋可能會對某啲人黎講未去到最啱味。最鐘意一定係雞油花雕花紅蟹配煎米粉底。本身個雞油花雕汁會比多幾碗大家配落米粉，充滿蟹膏蟹黃蟹肉，仲有陣雞油同花雕油味加埋一齊超級合拍。甜品就還好嘅西米露，冇咩特別。環境就一般，都唔係佢主打嘅嘢，但一家人食飯我又覺得還好，係咩追求。你當然唔會當佢係求婚呀個啲環境啦，但無咩大問題，唔太影響我。最後埋完單邦哥出黎打個招呼，望到佢出晒汗嘅樣講左句「多謝支持本地小店」，個下我只可以講真心有啲感觸，係feel到佢嘅真誠同佢應該係好辛苦。之後上網睇左佢嘅訪問，更加覺得有種莫名嘅感動。有心做野食嘅廚師，好難得。
繼續閱讀
從經營串燒餐廳, 變成純粹的海鮮私房菜餐廳, 主理人邦哥就是和他的助手, 處理着餐廳經營的一切, 從訂位及菜單安排, 選擇及飼養海鮮, 招呼我們, 烹調, 收銀以及清潔, 都是兩位師傅負責, 在這對飲食業相當艱難的環境來說, 他們也是盡力求生, 但在求生之中, 並沒有因此放棄對烹調的執着, 與其說是傲骨, 不如說是勇氣和堅持.當你去鯉魚門要花費接近$1000 , 吃一些不太抵食，而有烹調一般的海鮮菜式, 邦哥用同樣價錢的處理, 卻是巧有心思, 並不千篇一律之餘, 甚至帶點分子料理的意味, 像是頭盤的椰子蟹肉千層以及鱘魚魚飯, 前者用椰汁造成的啫喱, 以及後者的乾冰煙霧, 視覺效果十足, 但味道就是簡單直接的鮮味, 只要用了好, 味道就不用過於花巧, 但如此的外表又是賞心悅目.在華麗的外表之後, 就是看到其用料的用心, 不是最矜貴但卻是沒有食材的一般問題, 例如是龍蝦煎米餅的龍蝦, 起肉完全沒有難度, 除了是師傅的刀功外, 還有龍蝦的鮮不會讓其捲縮在一起, 沒有雪藏味是必然, 簡單的高湯就能顯出其鮮. 大魷魚同樣實而不華, 口感爽彈, 和同樣淥得夠爽的芽菜, 夾起來食爽上加爽.沒有什麼好說的, 只希望它能繼續經營下去, 保持初心對邦師傅來說絕對不會, 只是他的堅持希望能夠換轉成繼續活下去的本錢.From running a yakitori restaurant to a seafood private kitchen, Chef Bang and his assistant handle all aspects of the business. They manage reservations, menus, seafood selection, cooking, and cleaning. Despite the challenging environment, they strive to survive without compromising their passion for cooking. Unlike overpriced mediocre seafood in other places, Chef Bang‘s dishes are cleverly crafted and visually appealing. Ingredients are carefully chosen, such as tender lobster for the lobster pancake and fresh squid paired with crisp sprouts. Their dedication to quality and value is evident, and they hope to continue their journey with the same passion and determination.
繼續閱讀
今日係老公生日，上網搵左好多類型既餐廳都未有心水。突然係YT有介紹「手工海鮮私房菜」。對我黎講好新鮮，加上老公鐘意食海鮮，於是聯絡餐廳預訂兩位食私房菜。今次每道菜式好！特！別！簡單黎講：1️⃣水墨淮山：淮山口感好細滑，係好好既頭盤，令胃口打開💯2️⃣潮式骨香鱘魚子魚飯：用乾冰放在菜式底部，驚艷地散發煙霧💨，視覺效果被震撼🤩。邦哥使用本地馬友，除了有魚油，魚香之外，配搭自家製既豉油好夾👍🏻3️⃣瑤柱老雞燉西瓜：飲完好暖胃，好舒服😌4️⃣雪花菠菜苗：用雞油煮，味道唔同左，多左一份香味！好特別🐓5️⃣冰鎮南非活鮑魚：用左十幾種材料浸，好入味！鮑魚一D都唔un,口感岩岩好🫶🏻6️⃣自雪藏金龍：呢碟係龍蝦肉配南瓜汁蒸蛋白。🦞🥚龍蝦肉爽口新鮮，蛋白蒸得岩岩好時間，配埋🎃南瓜汁，口感仲滑過豆腐花，食得好舒服again!!🫨🫨7️⃣火焰十年陳花雕酒醉熟蟹：首先，多謝邦哥搵到隻八両奄仔蟹，要搵咁大隻真係一d都唔易。🦀其次，餐廳好有心熄左餐廳燈，好似吹蠟燭咁好有氣氛🎂食物方面，勁多蟹膏，好香花雕油同好濃酒味（應該係百蘭地）。第一次食醉熟蟹，好新鮮既體驗，100分推介👍🏻👍🏻👍🏻8️⃣冰雪菓子：邦哥自己整既菓子，好靚！皮既混色做得好！真係想訂一打送比人！意外驚喜係多左一份手工製既壽桃比我地。好好食😋😋😋多謝小店提供難忘體驗！下次實會再幫襯😍
繼續閱讀
再次黎燒邦真心充滿期待, 因為黎得呢度食, 都係期待同欣賞認真做嘅手工菜頭盤先黎個紫薑水晶凍凍地, 用紫薑微辣加上冰凍的水晶果凍, 入口順滑, 暑意立即冇晒呢個冰鎮百香花枝非常打咭able.一黎到見到D煙已經好令人涼一涼, 整個賣相都好靚花枝真係好鮮甜, 厚身又彈牙. 食落外面爽脆入面軟滑, 火喉岩岩好.配個百香果意大利黑醋食, 酸酸地好開胃. 仲有佢個自家醃製嘅青瓜, 又酸甜又爽口, 又係暑意立即冇晒.瑤柱老雞燉西瓜呢個湯飲落真係好舒服, 入口濃郁雞湯又香甜, 充滿估唔到同西瓜配合得好好又消暑, 飲完真係有幸福嘅感覺雪花本地菠菜苗菠菜苗入口嫩滑, 食得舒服呢個黃金燕麥龍皇球真係非常打咭able, 龍蝦肉彈牙鮮甜不在話下, 仲要個燕麥炒得非常乾身好味, 唔油.真心覺得整個都做得非常好.龍蝦仲有好多膏同肉, 正呀.黃金燕麥炒茄子, 又係非常出色.乾身又惹味.龍皇淮山粥, 大家有機會真係要試, 唔係普通用米煮出黎嫁, 係用淮山加上龍蝦煮, 充滿鮮味.最後鮮忌廉楊枝甘露做一個完美總結.食手工菜, 真係好睇得出廚師同自己嘅要求同標準.呢度真係滿足到, 用心的廚藝加上有心的服務. 令人期待下次,
繼續閱讀
一開始透過「有啖好食」頻道得知哩間小店，佩服影片入面廚師對食物嘅執着，所以去試一試佢啲「手勢」。致電過去，原本以為係其他同事幫手接聽，點知原來係邦師傅親自接聽，聽落去都幾忙咁，佢有3個價錢，分別係$800-$1000/位，$1200-$1800/位同$2000起/位，最後同朋友商議完，相信一分價一分貨，選擇左中位數$1500／位。當日去到，店面比較細，淨係坐到12個人，環境乾淨，裝修就比較撲素，可以睇到廚房做緊乜野，而最令人意外就係門口嘅魚缸，估唔到一間小店都會放。菜式就有8道，味道都唔錯，睇得出邦師傅嘅用心，出面啲店員每一道菜都會介紹，又會幫手換碗碟，服務態度唔錯。•第一道菜壹品魚子蟹水晶聽店員講，出面係用上湯去熬制嘅蒟蒻，入面係手拆嘅蟹肉。出面嘅蒟蒻非常光滑，上面嘅魚子一唔小心就掉咗，食落去啖啖蟹肉，配上上湯令蟹肉嘅鮮味更加濃烈。•第二道菜潮式骨香鱘魚子魚飯哩道菜一出嚟就已經十分震撼，成張枱都被乾冰覆蓋。食落去可以食到馬友嘅鮮味，油份都相當飽滿，同出面嘅魚飯完全唔一樣，而且魚肉已經起曬出嚟，而條魚骨就炸起咗，放咗側邊做擺盤，不過食落去都幾脆口。•第三道菜瑤柱老雞燉西瓜一開始望到菜單嘅時候，都已經覺得好神奇，原來西瓜都可以用嚟燉湯，飲落去都幾鮮甜，仲有濃濃嘅西瓜味。•第四道菜白雪藏金龍望落去個擺盤想當美觀，係「有啖好食」條片已經相當吸引，食落去係啖啖嘅龍蝦肉，配上南瓜整嘅金湯同蛋白又有另一種嘅味道。•第五道菜雪花菠菜苗望落去成顆聖誕樹咁，用佢哋自家制嘅雞油去炒，再淋啲蛋白芡，令到菜身光滑，不過又唔油，唔會掩蓋原本菜嘅味道•第六道菜冰鎮南非活鮑魚用十幾種材料醃制，口感彈牙，味道都唔錯•第七道菜火焰十年陳花雕酒醉熟蟹哩道菜係最有驚喜嘅一道菜，邦師傅親自出嚟點火，話點火唔止係視覺效果，亦係煥發原本花雕嘅味道，隻膏仔皇多膏多肉，配上花雕好好味。•第八道菜鮮忌廉楊枝甘露唔同出面，佢哋加咗鮮忌廉，而且西米又大粒又彈牙，却都幾好食總括而已，食物方面相當唔錯，每道菜都有其特色，而環境就相對乾淨，不過就真係小店，比較擠迫，而服務方面都唔錯，店員出菜會去簡單介紹菜式，食完之後邦師傅亦親自出嚟傾計，整體唔錯，值得再去
繼續閱讀
您可能會有興趣的...