影片
附加資料
角祥街52號
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
雖然這間在屯門、元朗、旺角和大角咀都有店舖的「東哥點心籠仔蒸飯專門店」離家不遠，但已有好一段日子沒在這條街蹓躂的我，這一晚才初次幫襯這間環境新簇簇，光鮮明亮的點心店，飲夜茶，食點心。已經很久沒吃過的灌湯餃，這兒竟然有得吃，當然要試試。這「花膠海皇灌湯餃」（$34）味道是不錯的，湯好喝，灌湯餃裡面的餡料也軟滑好味，不過那花膠就實在太過纖薄細小，如果給風一吹，一定會即時被吹走。「必食鮑汁雞腳」（$26）既是必食，那便叫一碟吧！這雞腳的鮑汁都算入味，但雞腳稍為硬身，未夠軟腍，炆得尚未夠火候。一客三件的「鮮竹牛肉球」（$26）不算特別好，但是及格的出品。同樣是一客三個的「薑汁雞包仔」（$26）雖只是小小的一個，餡料都幾多。這點心店是有三款燉湯供應的，非常喜歡喝燉湯的我又怎會錯過，叫來「響螺燉肉排湯」（$42）一試。湯是清甜的，但就不夠濃郁，材料不算少，肉排都有兩件，但我始終發現不到響螺的足跡，有點貨不對辦。這方面就一定要扣分。還叫了青菜，是簡單的「白灼菜心」（$23），正正常常的，但顏色偏黃，不夠翠綠，不算很好。雖然這間點心店環境不錯，但我覺得點心水準還有提升呢！
繼續閱讀
Lunch平時多數自己帶飯，今日約咗舊同事聚下人少少，但又想試吓唔同嘅嘢，最後就決定去點心店食，可以點多幾款選擇唔會食碟頭飯咁寡。兩個人～點心拼盤再嗌個蒸飯再嗌多一兩款就剛剛好。個點心拼盤份量剛好，d餃皮又夠薄。另外幾鍾意佢個腸粉，中間係脆網仲要包住蝦肉。另外個鹹魚肉餅飯，個肉餅都幾足料夠厚，唔會薄薄一層就算數。不過最正都係個川芎白芷魚頭湯，藥材味都幾濃，應該都落足料，飲完之後成個人醒晒繼續返去開工yeah🗽
繼續閱讀
今日嚟呢一間新店探店， 食點心嘅專門店。門面乾淨企理新裝修。點心選擇都多，大多數都係傳統點心有蝦餃、鳳爪、燒賣、叉燒飽…….特別啲嘅有燉湯，甜品有雙皮奶😮今日試咗個龍仔蒜蓉蝦蒸飯，荷葉底蒸飯好香。啲飯有口感，蝦都算足料，勁多蒜頭。不過就比較薄身。總括嚟講味道唔錯。另外試咗個黑松露燒賣，口感彈牙。但個黑松露醬冇乜味。。。佢啲點心係即叫即蒸，上到台仲熱辣辣👍坐底開始食先知，午市有罐裝飲品送，有啲驚喜🤣
繼續閱讀
當日lunch時間坐滿，生意唔錯，點心即叫即蒸，四個點心、一個油菜、一籠蒸飯加罐可樂同茶錢，唔使兩舊水。除了座位有點迫和通風不夠，整體水準和價錢都合理👌🏻鳳爪排骨飯$48大大籠嘅蒸飯，加10蚊有碟菜，份量好大，味道唔錯，最後兩個人都食唔晒燒汁釀茄子釀茄子嗰嚿似係豬肉，係好大嚿嘅，不過好油。如果係鯪魚肉就好，個人覺得呢個點心麻麻。東哥蝦餃皇蝦餃皮蒸出嚟冇爛晒，蝦同荀嘅配合適中，幾好味！四寶滑雞扎有魚肚、雞件、芋頭同蟹柳，味道正常。鮮竹牛肉球爽口，唔係好實硬硬嘅牛肉球，味道正常。P.S. 座位逼夾，當日被安排坐喺近廁所飲品櫃隔離，唔係好通風，有點熱。
繼續閱讀
呢間點心店真心性價比高人均100 食到超飽茶價方面係每位 $6 我地揀左普洱 啲茶飲到最後都冇話變澀 可見啲茶都有返一定質素 唔似某啲酒樓 只有第一盞茶好飲食物方面：🔸️ 黑松露燒賣（4粒） - 價格： $32真係粒粒面頭都有黑松露啱哂我呢啲黑松露愛好者燒賣亦大大粒 滿滿肉汁 好好味😋🔸️花膠海皇灌湯餃 - 價格：$34灌湯餃入面有成大舊花膠 唔係果啲花膠溶哂喺湯入面啖湯仲要好正性價比超高🙈🔸️點心拼盤（8件）- 價格：$48絕對係今餐性價比MV👑有蝦餃、潮洲粉果、菜苗餃、叉燒包 各2件咁多樣我最鍾意嘅蝦餃🦐大大粒蝦 又超juicy 潮洲粉果都唔錯 自己比較鍾意潮州粉果嗰種味道🔸️ 千層蘿蔔絲酥 - 價格：$42有冇人同我一樣好鍾意食蘿蔔酥🙋🏻♀️外酥內嫩 真係正到爆但東哥嘅蘿蔔酥再有特別之處佢地嘅蘿蔔酥有加入芹菜粒喺蘿蔔嘅香味上再添香氣啱哂我呢啲鍾意香口野嘅🙈🔸️原隻鮮蝦腸 - 價格：$32每舊腸粉都有🦐🦐腸粉比軟軟糯糯口感好好💝我地全單加埋啱啱好齊頭200人均先100好扺食啊~
繼續閱讀