影片
港鐵大圍站 A 出口, 步行約1分鐘
繼續閱讀
營業時間
星期一至日
11:30 - 22:00
以上資料只供參考, 請與餐廳確認詳情
招牌菜
米線質數不平均 今次硬到食唔到收銀姐姐極度極差 其實做得咁唔開心 點解要做前線 比氣客受 就算藥膳湯底味道是特別的 亦不會再食了 老闆不正視問題 是你在大圍旺區仍生意淡薄的原因
繼續閱讀
之前一直係美孚既ben哥食開我最愛既酸辣蕃茄湯底，真係其他地方食唔到呢個味道。但要去到美孚食碗米線真係要好大動力…直至琴日search開openrice發現原來大圍開左分店太開心喇即刻夜晚出左去買外賣返屋企食都係叫返我既例牌：酸辣蕃茄米線+紫菜+炸醬+辣腩肉一貫水準，好味！蕃茄係有一粒粒既新鮮蕃茄，唔係用茄膏咁簡單炸醬好入味，腩肉都好正架。配埋索晒湯既紫菜我老公就鍾意食佢地既藥膳湯配墨魚頭，十分正氣聽聞沙爹都好食，下次試試先。
繼續閱讀
如果佢唔係在大圍開左分店，我都唔知幾時可以食到返佢個莞茜湯米線。話說上2星期 先同同事講，佢個莞茜湯好好味，不過好耐無食，佢就開左間在附近了~Encore左莞茜湯米線，今次配左不同配菜，包括豬耳，炸醬，腩肉(入味)，酸菜，墨魚咀，蘿蔔(分量多)。分量作為女生，真係食到好飽，屋企人第一次食，覺得個湯好好味。我就由於在其他分店食過，覺得佢味道係唔錯，個湯甜甜地，唔會覺得咸/口渴，但味道同莞茜的份量同以前係有些唔同。不過，我成2年無食過 可能其他分店都唔同左口味囉。Anyway ，我都依然推薦的。
繼續閱讀
今日嚟到大圍、入咗去過搵食市集、喺大圍火車站旁邊。入到去個搵食市集、見到有間食米線嘅Ben哥米線、嗌咗個Ben哥米線配沙嗲湯底、沙嗲湯底勁濃、魚腐有趙口、裏面嘅配料例如豬大腸、腩片、肉碎、又大碗、比起啲連鎖米線好好多。佢哋嘅小食豬耳、墨魚咀、都好正！見到佢哋係幾區都有分店、下次都係幫襯呢間Ben哥米線好過去幫襯嗰兩間大型連鎖米線。同太太食完、我哋兩個都極力推介給大家、不妨一試、下次有好嘢再同大家分享
繼續閱讀
第一次幫襯Ben哥米線，真係有驚喜！我叫咗招牌嘅藥饍麻辣湯底配響鈴、娃娃菜同蘿蔔！第一次食唔敢叫太辣，試個小辣先，湯底味道夠濃得嚟又唔會好鹹，啲配料又正正可以吸收晒湯底嘅精華唯一一個美中不足地方，就係個匙更太細唔可以大大啖米線連湯一齊食，但其他嘢整體都好滿意！下次嚟會試埋佢另一個招牌沙嗲湯底，希望唔會令我失望啦！順帶一提，宵夜時段（9點後）仲有減$10優惠，連埋嘢飲埋單$50都唔使！大圍友真係要試吓啦
繼續閱讀