影片
電話號碼
95453287
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
食家推介
相關文章
成日食日本燒肉有啲悶，今次經過就試下呢間吉列牛專門店🐮聽聞佢既signature係板燒吉列牛，仲要每個餐都有熱石板可以自行加熱及控制肉的生熟度，所以吸引左我入去幫襯🙈分別叫了兩個定食: 板燒吉列牛及燒安格斯牛小排，每個單點盛為$118; 當然另外加配定食$38，包括有味素飯，楓糖流心蛋及日式大根湯！兩款肉類上枱時是全生的，熱石板上亦附上小小牛脂。肉的份量好多，絕對夠一人食，賣相擺盤精緻，不馬虎，而且肉質望上去油煙分佈分明!兩款肉口感厚身Juicy ，而且牛味好重。配上有味素飯是一流，而且真係好飽肚。兩款相比下，我更喜歡吉列牛口感，因為食落又香又脆。總結而言，原來除了日式燒肉放題， 香港仲有其他又好食又抵玩的食店！ 「秘」就係其中之一了。
繼續閱讀
去咗家有人氣嘅食店，我點咗張吉列板燒牛定食，真係令人眼前一亮🌟！好彩唔使排隊，嘆番口茶，食物已經送上枱。睇下啲吉列牛，裹住嘅麵包糠金黃得嚟又唔油膩，啪啪聲咬落去嘅口感正！牛肉香滑得嚟，夾埋啲飯真係得嘅。不過，我覺得個溏心蛋可以再惹味少少，咁就真係無得輸喇。板上吉列牛肉烤得啱啱好，溫度夠溫暖又能保持啲肉汁。想點幾成熟自己話事，真係話哂算，食得我心花怒放😊。服務又好，見我燒肉嘅爐火心不在焉，即刻送來酒精加嘢燃，顧客體驗一流！整體嚟講，好過我想像，下次有機會一定再嚟轉轉！👍👍👍
繼續閱讀
店舖門口掛好大嘅Lunch set海報，以至店內掛同樣嘅海報，係完全睇唔到有註明只限平日，都無問題嘅，咪跟返假日menu囉。到睇menu叫定食set，份menu寫明包罐汽水，到點餐時侍應先拋句假日唔包汽水，份menu註明咗，我話睇唔到有註明喎，佢先講新印嘅menu未貼返註明，舊嘅就有貼… 大佬呀，舊嘅menu甩皮甩骨，新舊擺埋一齊正常都㨂新menu嚟睇啦！先唔講食物質素味道，剩係營商手法，前後唔同位都有誤導成份，以至侍應員工態度問題，都已經食慾大減。因為小朋友同老人家太肚餓，就照留低消費，四大一小埋單$428，唔係多，只係環境、態度、食物各方面可以有其他更好選擇。知道而家營商條件好差生意好難做，但唔應該從誤導人方向埋手，以我呢個例子，就只會被誤導一次，跌幾百蚊，但就由OpenRice CD-ROM身分都企出嚟留一次言而永無下次，全線秘嘅分店都black list 咗。覺得值嘅咪繼續咁營商落去囉。祝生意興隆呀⋯⋯
繼續閱讀
#乜乜飲食日記 「二擦！雖然每次都想試其他，但都忍唔住叫返扑葉味噌牛肉 orz」———————————————🔺元朗小店🔺高質🔺石燒牛 🔺邊食邊煮_好啱尷尬或首約的飯局🔺💛———————————————🍊秘・扑葉味噌牛肉 $98 已配昆布湯和飯🔹味噌的甜味同扑葉的香氣真係會慢慢慘入燒牛肉同鮮菇，每啖都好香好香好濃，雖然味噌會鹹但又停唔到口，一口牛一口飯就剛剛好！🔹+$38 有飯素、楓糖流心蛋、櫻花昆布湯🍊板燒安格斯牛小排 $118牛小排真係無乜得輸，好有肉味，質地嫩滑，厚薄適中，好食！🔹總結：石燒牛黎講，秘的牛真係高質，唔會有咬唔斷的筋，肉質嫩滑都係百幾蚊，又有得自主生熟度，可以一擦再擦！🔹後記：第一次食板燒吉列牛 $108，嗯..未遇到大家狂讚吉列牛的真諦。。再燒牛後的吉列邊唔鬆脆，可能下次試試黑松露版～
繼續閱讀
朋友突登入元朗搵我食飯然後我搵到呢間餐廳睇到menu嚇親因為好經濟實惠🥹百零蚊就有個吉烈牛加飯份量超多肉啱啱好烤兩烤外脆內軟食完足夠飽到上心口加上呢個價錢值得比五星朋友叫左鰻魚飯份量十足味道不過不失無咩特別但價錢一樣都係好合理小食見到有炸牛蒡咁特別就試下係幾有趣嘅但咸咗少少幾多幾條有啲膩而且熱氣感仲勁過個吉烈牛有啤酒就要有雞泡魚乾份量依然係巨味道就無咩太驚艷不過送酒黎講都好夠整體黎講真係好抵食味道唔錯可以二刷之選
繼續閱讀