影片
電話號碼
24799908
開飯介紹
幾層高的中式酒樓，實屬街坊飲茶之選，適合一家人前來樂聚天倫。有多款點心及小菜供應，推介蜂巢芋角。
繼續閱讀
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
-
網上訂座服務暫停
相關文章
今日天氣凍唔想煮飯，同老公去元朗食晚餐。本身老公想食壽司，經過見到呢間酒樓做緊$1雞同$13.8乳鴿優惠，就心思思想試下。其實對於$1雞優惠又愛又恨，因為之前係連鎖酒樓食過類似既$1雞煲，難食到喊，仲比成班fd話做乜要食啲咁難食既嘢，所以今次都唔抱咁大期望。坐低叫左香片(好飲喎)，之後叫左個晚餐孖寶(龍躉同冰梅骨)，叫左$1雞同蟹肉魚肚羹。先上左$1雞，雞肉唔鞋口，雖然雞味唔算好重，但都食到沙薑味，$1質素唔錯喎！之後上左魚肚羹，不過不失，樓面姐姐仲幫手不左碗比我地，服務幾好～最後上晚餐孖寶，條魚蒸得啱啱好，好滑，老公食灑成條魚，最後仲打包左隻雞髀同排骨，食到好飽！最後想講呢到服務態度好好，樓面有個男仔幫我地收左食完既碟，男經理幫我地換骨碟，我唔小心倒灑啲茶落張櫈，經理即刻幫我換櫈同問我有無辣親！服務態度真係好好喎！最後想埋單叫我地食埋糖水先走！下次會再推介比朋友同埋屋企人過黎食～
繼續閱讀
舊同事退休，包咗成間酒樓，皓熱鬧，仲有個台位可以😌影相📸打卡同表演🎤。我唔飲酒，飲忌廉，侍應都皓勤力有refill，之前去酒店🏨多有分餸，酒樓就自己搞掂🤝。乳豬脆皮正，有埋包，不過唔夠肥。蟹鉗夠彈牙香口。帶子都皓食，個伴碟有畫花有心思。瑤柱甫既瑤柱都大粒。佛跳牆皓大盅，每人一隻花膠，湯底清甜，refill咗一次，湯料有螺頭點豉油食正。鮑魚十頭夠腍，鵝掌入味。龍躉都ok。燒雞皮脆但肉唔夠滑。糯米飯🍚少少🤏硬。煎堆仔香口蓮蓉餡皓食。紅豆🫘沙湯丸粒芝麻湯丸幾彈牙正。最後有柑
繼續閱讀
星期日飲茶大約12點半，於地下等位，得幾個人等位，諗住好快有位，點知等左勁耐都無叫過1張，之後把心一橫衝上去，見到大把吉枱寫住留座，我問女經理點解吉晒d枱係到唔俾人坐，條友話有人訂左枱夜晚食飯，一聽就知唔合理，擺明留枱比熟客。我嘈完佢之後，即刻唔敢留枱，全部吉枱比人坐。除左等位等到成肚氣，點心食物又難食，但價錢又唔係平架喎！粉果，菜苗餃d皮蒸到爛晒，勁難食，咸水角d皮勁厚，陰公！最搞笑係我落錯點心，同女經理講，佢話今次幫你改返，下次無得改喎。我心諗我取消埋唔要都得，點會同客講點左唔可以取消架，不知所謂！真係今時今日咁0既服務態度，真係太差勁!下次一定唔會再幫襯！
繼續閱讀
這家酒樓的燉湯清香濃郁，湯底熬製至極致，滋味鮮美。肉蟹蒸糯米飯更是亮點，蟹肉鮮甜，與香滑的糯米完美結合，每一口都令人陶醉。米飯吸收了蟹汁的精華，口感豐富，讓人忍不住一再回味。服務周到，環境舒適，值得一試！
繼續閱讀
星期日飲茶，等四張細枱，諗住唔會等好耐，點知攞咗籌大半個鐘一張枱都冇叫過，上咗上邊睇明明大把枱，原來門口知客攔住晒啲枱，啲夥計淨係俾啲枱熟客，好多人唔使攞飛冇訂枱直接上去拎枱，一有熟客嚟就插晒隊。樓下啲客等到火都嚟，香港飲餐茶都咁難，飲餐茶都要一肚氣火滾，飲到咁火滾，今時今日香港酒樓執笠做唔住，唔好怪人香港人北上消費，唔好怪香港人唔撐香港經濟，自己都唔爭氣。最尾決定唔等，幫襯隔籬街間酒樓，唔使等位，仲好好招呼。
繼續閱讀