影片
電話號碼
31250888
31911188
特色
家庭親子
營業時間
今日營業
11:30 - 20:30
星期一至日
11:30 - 20:30
以上資料只供參考, 請與餐廳確認詳情
係MegaBox 行街，經過ikea，突然間好想入去佢個小食亭度睇吓而家有咩食，見到今期係芒果麻糬乳酪雪糕$17，價錢又唔太貴，所以買黎試下，ikea嘅雪糕果然一如既往都係咁好食！！！
繼續閱讀
來到這裡行街, 好耐都無食IKEA, 平時多在美食站買熱狗雪糕, 今日坐下來慢慢食 食物 : 植物素肉丸意粉 $36 ~ 意粉是白烚, 上面有一片片的菇, 素肉丸質地偏淋, 整個意粉都是靠個醬汁, 整體味道作淡 大蝦雞肉意粉 $49 ~ 大蝦有少少雪味, 雞肉幾嫩, 有蘆筍伴碟都唔錯, 整體味道正正常常 香草三文魚沙律 $36 ~ 有三片煙三文魚, 沙律菜新鮮, 個沙律汁好味 飲品 : 自斟汔水 $9/杯 ~ 可以自斟自飲 環境 : 店內舒適乾淨, 食完要自行清理及回收托盤 服務 : 職員有禮貌 價錢 : HK$139
繼續閱讀
食物：3.55 環境：2/5 服務：1/5 性價比：4/5 食物：(1)凍蝦：目測幾乎每枱都有叫， 份量頗多，配埋自動餐既雞尾酒醬，有置身五星級酒店既感覺。味道正常超市貨(ikea自己都有賣冷凍裝)，間中帶少少蝦籽，解凍時好時壞，有時有幾隻冰冰地，有幾隻稔稔地，食凍蝦食到玩俄羅斯輪盤咁，新奇又有趣。(2)煙三文魚沙律：又幾好食，好食過超市最平$2x一包個款，配埋刁草醬口味幾複雜。(3)伯邑考肉丸：ikea必食名物。以前曾經流傳過主要成份為馬肉，而加係乜肉就不得而知了。相信大家都係貪平同配埋個紅桑子醬過下口癮。(4)疏菜傻餅：又係大家必食之選，焗熱完一大盤放左唔知幾耐，有熱有唔熱，任君選擇。(5)牛扒：又係一大批整完放熱櫃，似到會口味，有時好多筋，有時好鞋口，見到個長者拎去同職員反映太多筋咬唔到，激氣到痴孖筋。環境: 旺過街市熟食中心，人來人往，每次坐底食野都有幾位pre食客棟係長方枱4周做G4 服務: 唯一既1分係比收銀員，佢係值得一讚，數食物入機速度超快。唔係講笑仲快過茶記。 記得疫情個陣係統一排隊入座，呢個做法係超好，但疫情前後依舊係放養模式，食客自行埋枱等位，經常有幾個食客不分先後等同一長枱，場面極尷尬，都唔知ikea高層係咪好想睇到人打架，但唔知點解呢個等位模式未出現過MMA，如果將呢個等位模式放入茶記，估計政府吸納晒幾千位南韓被下崗醫生同重開火神山醫院都唔夠裝。 性價比: 食物都係大路超市野，但每樣都配有唔同sauce有提升到口味，冇咁寡又唔洗自己買一大樽醬食唔晒。值錢只係超市價加少少加工價咁，避開peak hour仍然係大路之選
繼續閱讀
會再幫襯,個鬆餅非常抵食,仲同我加熱,朱古力鬆餅裡有流心榛子醬,海盬焦糖咖啡好夠味,喜歡甜味既人選擇,位置剛剛在角落,比較少人行來行去,雖然得兩張枱,但可以慢慢舒服坐下,下次一定會嘗試其他咖啡同食物
繼續閱讀
今日同女朋友去MegaBox行街買野，當然就去ikea睇下野啦，不過有啲啲肚餓，就係ikea出面果間Ikea Fiket到食少少野先，不過而家疫情期間只可以外賣，咁我地就外賣行行少少食。p.s. 啲名真係唔太記得。牛肉包買個陣店員會問你想唔想叮返熱，當然想叮熱食啦，呢個麵包叮熱左勁好食，外面好軟熟，牛肉份量都好多，而且個汁都好惹味。法包就簡單啲，不過呢一個法包唔係好硬身果款，太大舊，食左一半就食唔曬。三文魚卷呢一個係冇得叮熱黎食，因為三文魚加入面有沙律醬，店員都唔建議叮黎食。卷入面都好足料，每一啖都有三文魚。焦糖咖啡好好飲，價錢又抵，焦糖味好重，一杯實而不華嘅焦糖咖啡。Overall黎講Ikea野食真係實而不華，而且價錢又好抵，加上個麵包真係勁好食，真係經過可以一試再試。
繼續閱讀