影片
以上資料只供參考, 請與餐廳確認詳情
相關文章
新加坡海鮮喇唦摻摻🍜非常之惹味嘅一個湯底，好香椰味唔太嫩好啱我口味，海鮮有蝦、蜆，豆腐卜同魚蛋就係精髓之一😂麵底有油麵同米粉。香葉辣肉碎煎蛋飯🍛小小辣我接受得到好好味，蛋係煎到脆邊，加埋肉碎一齊撈飯就好鬼正喇。咖也班蘭多士🍞厚厚嘅牛油🧈咖也又甜甜地，多士夠晒脆好好味🤤小食係正嘅。芒果冰配芒果雪糕🥭芒芒芒好鬼好飲呀⋯⋯滿足晒所有要求。菠蘿冰茶🍍有種清甜感覺，有埋菠蘿肉好好飲👍🏻👍🏻
繼續閱讀
呢間餐廳之前已經來過2次，食物及服務態度都好好，都係食午餐，今次我們1:50分到餐廳，查詢站在門口帶眼鏡男員工，你們下午茶幾點開始，睇吓食午餐定下午茶，佢黑面回答3:00開始，一臉睇唔起嘅眼神，我哋就話2位，佢指住其中一個位置，當時有好多卡位，我哋就問可唔可以坐卡位，佢話係員工食飯用，幾個卡位員工食飯用？仲係午餐時間，跟住即時向站在我們後面客人話幾位.態度極差. 啟德1，2，3館有太多食市，唔係一定要食呢間😤😤冇下次.
繼續閱讀
菠蘿海鮮焗飯，難食到爆炸從來未食過啲咁難食嘅嘢，份量極少，啲飯係冇炒過，一啲都唔熱，還等咗成大半個鐘先有得食態度勁差，員工嗌咗幾次都冇人應冇下次🙅♀️🙅♀️🙅♀️完😩
繼續閱讀
今日黎到啟德行街，呢道地方好大，環境都唔錯，行到累就搵間餐廳食下野，呢間餐廳服務員好熱情既招待，好快就坐底左。店面都算大，坐得好舒服。首先點左個小食，斑斕咖也多士，呢道既好特別，連多士都係用咖也醬黎整，所以多士係綠綠地色既。非常入味，中間個層牛油非常滑溜，外非常香脆。第二款小食係仁當牛肉烤餅，呢個中間厚厚既牛肉醬都幾好味，外脆內軟，都係唔錯既選擇。有啲似印度烤餅個種。都可以試下。主食方面就選左香葉辣肉碎煎蛋飯，辣肉唔算好辣，容易入口，炒到較乾身，粒粒非常有口感，鹹鹹哋配白飯食一流，重有太陽蛋個黃用黎撈飯，非常正。另一個主食係星洲香辣炒飯，呢個炒得都好乾身，粒粒金香既米非常之有口感，微辣都可以接受到，味道都唔錯，值得一試。總括來說呢道啲美食都唔係，服務員非常有禮，時刻知道我哋既需要。並馬上滿足我地既需要。非常感恩🥹。
繼續閱讀
啟德而家咁hit，今晚放工過嚟行下街食下嘢。係零售館2呢間「青椰」係一家充滿東南亞風情嘅餐廳，環境以木質裝潢同綠植點綴，幾舒服。🌟娘惹炸鮮奶炸至金黃酥脆，外層香脆內層柔滑，正。🌟蕃茄牛油果法包融合咗清新嘅牛油果與酸甜嘅蕃茄，搭配法包的酥脆口感，好味。🌟會安菠蘿焗飯平時食嘅係菠蘿炒飯，今次呢個係菠蘿焗飯，幾特別。選用新鮮甜菠蘿作為容器，唔錯呀。🌟芒果糯米飯金黃色嘅芒果片搭配Q彈糯米，淋上椰奶，甜而不膩，好啱我口味。
繼續閱讀