影片
港鐵上環站 E1 出口, 步行約2分鐘
繼續閱讀
開飯介紹
裝修糅合文青及輕工業風，設有窗前吧檯座位，設計簡約舒服；主打新鮮的西日料理，如日式炒意粉、蟹肉他他等，與好友聚餐或作一人飯堂也是不錯的選擇。
繼續閱讀
營業時間
星期一至五
11:30 - 15:00
星期六至日
全日休息
以上資料只供參考, 請與餐廳確認詳情
### 用餐日記：**攣毛屋 Curly.Restaurant (上環)** 🍽️**日期：**2025/02/26 （三） **地點：**上環永樂街1-3號世瑛大廈2樓203室#### 環境氛圍隱身於上環的一間樓上小店，環境舒適，設計簡單卻不失溫馨，讓人感到放鬆，氛圍非常適合同朋友共聚午餐時光✨。#### 點餐選擇我選擇咗Lunch set，包括有日式炸雞炒意粉、湯以及飲品。#### 食物評價- **炸雞**：炸雞外皮香脆，內裡滑嫩，口感出色，令人難以忘懷。- **意粉**：意粉炒得恰到好處，味道選擇多元，有咖哩、醬油和香辣三種風味，讓人可以根據喜好來選擇，我今次就揀左咖哩，好味！- **湯**：周打魚湯清淡鮮美，為整個套餐增添了不少風味。- **飲品**：熱檸茶，正常出品整體而言，食物質素相當高，雖然炸雞製作需時但展現出老闆的用心，唔會粗製濫造。#### 服務體驗午餐時間人手不足，始終係小店，但店員都非常友善，製作充滿誠意，這種態度令人感到溫暖，客人都樂意等候多一陣子。同時可能是結束營業的最後幾天關係，見到老闆有間中親自出來招呼客人，有講有笑。#### 總結平時返工時間中都有光顧，因為覺得味道好、性價比高，一間有誠意的小食店唔係咁易搵。縱使打食評這刻它們已經結業，但我知道老闆在柴灣還有另一間不同名的小食店，我會繼續支持的！亦希望有一天老闆能看到這篇食評，知道有人真的欣賞同支持佢嘅小店！生意不易做 加油喔💪🏻🤤
繼續閱讀
Bookmark咗呢間餐廳好耐了，前幾日喺度諗lunch食乜好，碌吓碌下bookmark list就見到呢間cafe。嗰日去到呢間餐廳都好full House，差啲冇位。我叫咗炸雞太陽蛋醬油炒意粉$108，價錢喺中上環嚟講唔算貴。炸雞有四件，佢嘅醃料醃得好好食，唔會過鹹，而且都幾Juicy！我鍾意佢有個太陽蛋，令到成件事好靚。佢嘅醬油意粉炒得夠乾身，意粉煮得啱啱好。唯一要挑剔嘅係呢間餐廳有蚊滋仔，如果喺清潔上可以注意一下就更加好。不過我都會介紹啲同事過嚟食，始終唔算貴幾大份又好食
繼續閱讀
唐揚炸雞配日式意粉(醬油或咖喱或香辣) (午餐/包餐湯+餐飲)★－:+:－:+:－:+:－:+:－:+:－:+:－:+:－:+:－★可以翻兜之小店系列🤓💛地方不大，乾淨企理，招呼有禮👍🏻2點半嚟到唔多客，叫份set lunch唐揚炸雞配日式意粉，份量超～多！醬油調味好味，撈埋太陽蛋同沙律醬後有日式炒麵feel🇯🇵仲有洋蔥、菠菜、珍珠菇，好多生蒜粒惹味到爆😋唐揚炸雞有三舊，好～大舊！炸粉鬆脆唔厚，炸得唔油，食落juicy，平時唔太like炸雞但呢個我覺得好食👍🏻食到超飽，下次去開上環再食🤰🏻
繼續閱讀
今晚嚟到上環接太太收工，同佢去咗一間叫做攣毛屋嘅小店開餐😋上到去，有養貓嘅朋友，會好有親切感。因為店主全間店都有貓嘅飾品🐈今次就嗌咗一個炸雞蛋包飯🥚當正在猶豫咖喱汁定係醬油嘅時候，店主好親切地行過嚟介紹俾我哋聽，同我哋平時食到嘅蛋包飯好唔同，汁方面係放落飯底到一齊整，並唔係平時嘅蛋包飯淋上面。所以最後決定咗係咖喱汁！太太就叫咗個軟殼蟹意粉。蛋包飯一上枱嘅時候，除咗賣相好睇之外，第一啖食落口，真係有少少忍唔住講粗口，好X好食！每一啖都好有口感，原來店主加咗好多材料喺炒飯上，但仲好滑，真係好X好食！飲品方面，我就叫咗個Oreo朱古力。芝士奶蓋可以，我自己就比較喜歡濃芝士味，但整體係好飲的。今次胖胖介紹呢一間穩世小店，真係值得推介！店主超級親切，又好傾！一定會再幫襯！
繼續閱讀
上環隱世小店經營餐廳❤️攣毛屋 Curly. Resutoran聽聞lunch都幾多人嚟食，我哋就揀咗夜晚🫶🏻靜靜地兩個人拍下拖撐吓枱腳👩🏻❤️💋👨🏻叫咗個 「唐人炸雞配咖喱蛋包飯」🤤 個蛋好滑，入邊包住嘅飯係用咖喱炒架！裏便仲會有菇同埋菜🫢多層次嘅口感味道！另外叫咗個意粉試吓「軟殼蟹親子忌廉扁意粉」 ，軟殼蟹好大件👍🏻意粉個汁啱啱好唔會太漏！份量都好大份，兩條友清晒！仲有兩杯特飲「Oreo芝芝朱古力」 「熱帶特飲」，大大杯😍😍 成餐飯好滿足😝 老闆好好人🫱🏻🫲🏼 仲請我哋食咗個炸雞皮😆 自己已經一腳踢，仲出黎招呼同我地傾下計，支持小店💚💚📍攣毛屋 curly.resutoran📍上環永樂街1-3號世瑛大廈2樓203室
繼續閱讀