Zucco (已結業)

尖沙咀新開型格餐廳 Zucco今次同女朋友黎到呢間新開冇耐嘅餐廳Zucco。餐廳裝修幾型格，而水泥灰為主，仲有啲壁畫同川上隆嘅花花裝飾～ 餐廳坐位幾闊落，好彩我哋好早到唔洗點等就有位(因為越晏就越多人🤩)。最後同女朋友決定叫個沙律，pizza同意粉。🔻巴馬火腿拼金密瓜味道：7.5/10價錢：$78新鮮嘅沙律菜加巴馬火腿再加香甜嘅密瓜，唔同味道加埋一齊竟然會咁合夾，餐廳冇用到平時嘅芝麻醬，而係落類似黑醋做醬，令到沙律食落去好香！🔻香煎帶子香草醬闊蛋麵味道：8/10價錢：$98帶子幾新鮮，食落去嘅鮮甜，而且大大粒仲要有4隻！醬汁係香草醬，幾香～而闊蛋麵個口感好好，唔會太淋，有啲煙煙韌韌嘅感覺，烹調個時間拿捏得啱啱好！🔻黑松露野菌薄餅味道：8.5/10價錢：$98估唔到會係呢到食到個咁出色嘅pizza。pizza係簿得黎脆底，pizza上面個蘑菇同黑松露都好足料，黑松黎嘅味勁香！正～～我地仲叫左杯Twillght Dove嘅mocktail，飲落去酸酸甜甜，唔錯～～順帶一提，店員好細心，因為女朋友唔鍾意飲甜野冇叫到飲品，仲主動問我哋要唔要杯水，加分加分！

以後嘅𝙷𝚊𝚙𝚙𝚢 𝙵𝚛𝚒𝚍𝚊𝚢終於搵到新落腳點😍 估唔到喺麼地道近k-11附近，靜悄悄地開咗間新嘅𝚋𝚊𝚛 𝚛𝚎𝚜𝚝𝚊𝚞𝚛𝚊𝚗𝚝🥂🍻 地方格攝得黎又好方便去，好似去左私人派對咁😜 餐廳分室內外，除左美酒佳餚，仲有𝚂𝚑𝚒𝚜𝚑𝚊💨 想讚一讚餐廳冷氣好足，所以就算狂歡晚上都唔會侷促😎👍🏻🥴 另外題外話係哩度店員嘅平均顏值真係頗高，滿足埋視覺享受🤤 《 黑松露野菌螺絲粉🍝 》 $88 4.5 / 5網上睇圖以為好細碟，原來碟本身都幾深，我地四人share都唔會一人得幾啖，哩個價錢黎講好抵食👍🏻👍🏻👍🏻 螺絲粉軟硬適中，黑松露味亦好香濃😋 《 牛油果煙三文魚薄餅🍕 》 $98 5 / 5 🌟🌟🌟🌟🌟絕對係會想再Encore嘅薄餅😍 薄薄嘅餅底一啲都唔乾，配料好足每一塊都食到半溶化嘅牛油果同煙三文魚😋 微焦嘅芝士特別濃烈，加上脆卜卜嘅餅邊，越食越開胃🤤🤤🤤《 香煎帶子香草醬闊蛋麵🍝 》 $98 3 / 5對比螺絲粉來講呢一碟闊蛋麵嘅香草醬比較乾身，味道偏寡，闊蛋麵亦唔係好掛到汁😕 不過帶子就外焦內軟，好鮮甜😌《 炸薯條 配 黑松露沙律汁、蜜糖芥茉 》 $58 5 / 5 🍟🍟🍟🍟🍟見差不多每

麼地道同漆咸道多酒吧餐廳係人都知,今日做完野咁辛苦一定要chill一chill.燒雞軟骨內裏軟骨入口脆卜卜,少少鹽香.略嫌燒得未夠香,如果再燒香多少少味道會更鹹香更脆.鹽燒牛舌芯牛舌芯相當厚身而且肉質好嫩,唔會燒得過火而導致牛舌變得過韌.牛舌爽脆有嚼勁唔會帶好重筋性,入口帶濃郁牛脂香.白酒煮蜆欖油意大利粉加左辣椒很香辣惹味,配上鮮甜帶海水鹹香既蜆肉好香濃.意大利粉彈牙而且唔會過油膩,帶住欖油香亦唔會過乾.朱古力心太軟無諗住係double朱古力心太軟,朱古力雖然未算好流心但味道相當濃郁,朱古力漿入口濃稠幼滑.Apple Breeze以青蘋果做base,酸酸甜甜帶住青蘋果獨特既清香,清爽解膩.

戴上金箍如何愛你，不戴金箍如何救你…500年後救唔到愛人呀晶，500年前一樣救唔到愛人紫霞。就係因為錯的時間對的人，所以先會有一萬年呢種後悔…timing就係咁重要。唯一我夠同膽講今晚呢間新開既意大利餐廳「Z u c c o」絕對係對的時間對的人，從某月季節，I hope you hear it。👇📌C o c k t a I l -▪ M o j i t o - $108▫ 今晚入座時間尚早呀，每位buy one get one free，cocktail黎講識飲一定嗌「Mojito」。入口淡淡涼快感，正好一解34度高溫下就黎焫焫焫焫焫著既心情；加上bartender幾有水準，Rum酒既份量唔會蓋過本身青檸、薄荷味，唔錯。📌P i z z a -▪ Black Truffle · Mushroom Pizza - $98▫ 呢個pizza「黑松露·野菌薄餅」餅底焗得非常酥脆，配上面頭濃郁既芝士，芝味十足。加上黑松露配搭野菌味道更加突出，整體非常滿足。📌S n a c k s -▪ Roasted · Wings - $58▫ 一上枱就見到好有日式風情既「鹽燒·雞中翼」，外皮燒得夠靚仔

呢間係位於尖沙咀嘅一間新開嘅酒吧餐廳。位置有少少難搵，原來入口喺麼地道一個小小嘅商場。🍴黑松露野菌薄餅$88餅底薄身香脆，表面鋪上車打芝士、蕃茄、雜菌。車打芝士比較鹹香，加埋番番嘅酸甜又幾開胃。可惜少咗mozzarella嘅拉絲效果。🍴燒雞泡魚乾$48燒得好香，表面仲有啲甜味醬汁。🍴燒雞軟骨$48來貨嘢正正常常。🍴巴馬火腿配金蜜瓜$78Parma ham同哈密瓜🍈係perfect match。加埋有黑醋嘅沙律菜，整體感覺好清新。

呢間水泥灰色工業風嘅餐廳酒吧真係好隱世，入口係大眾銀行隔離，入到去感覺即刻唔同哂，好寬敞，仲有半outdoor 位置，好新潮，好chill 😎 最估唔到係呢個area 啲嘢食都幾抵食，仲要質素都唔錯喎 燒雞泡魚肝 📍$48大部分時間只要我見到menu 有雞泡魚肝，我都會叫黎餸酒 😎 煙煙韌韌，好有咬口，點埋沙律醬更加係停唔到口香煎大蝦番茄長通粉 📍$108隻蝦真係幾大隻喎，仲開哂邊咁，方便又要飲嘢又要食嘢呀 😬 配埋酸酸甜甜嘅番茄通粉，實行食飽再飲過呀 🍻4‘ 芝士薄餅 📍$98芝士薄餅個餅底好薄食，面頭啲topping真係好 cheesy 呀 🧀 難得嘅係佢命用咗blue cheese, 令味道更突出Happy hour 好似去到8:30pm, 啲啤酒做緊買1送1架 👍🏻 大大杯，好爽呀 Guinness 📍$88Kronenbourg 📍$88

係尖沙嘴有間好型既西餐酒吧, 唔係朋友講開都唔知。一行入呢個AREA, 成個感覺都COOL晒, 連入面經理店員都好COOL。香煎帶子香草醬闊蛋麵 ($98)❤️❤️❤️有4粒圓圓肥帶子~蛋麵味道偏清淡, 因為唔係忌廉底, 如果鍾意OLIVE OIL感覺既可以試下~~水牛城雞翼 ($68)❤️❤️❤️呢到雞翼係煎既唔係炸, 水牛城個醬都係偏稀D, 唔會食到成日醬, 算係少辣。可以留意番呢D冇跟BLUE CHEESE SAUCE㗎~雞翼上檯好靚, 另一面比較熟, 不過都可以接受XD  男朋友話鍾意食呢種香D, 咁俾大家參考下牛油果煙三文魚薄餅 ($98)❤️❤️❤️❤️❤️呢個PIZZA 好味呀~每片都有大口煙三文魚, 同牛油果好夾, 真係必食之選!!Grasshopper ($98)❤️❤️❤️我應該算係GRASSHOPPER既FAN, 不過第一次見咁樣上。一入口係奶, 我唔鍾意就咁飲奶, 所以都係撈埋飲。

朋友口中得知尖東開左間新既酒吧Zucco，所以星期日特登去試下。酒吧位於尖東P3出口，對面馬路大眾銀行一路直行入去，位置相當隱蔽，但就係甘先有鬧市中清泉既感覺💪🏻——————🐽 燒雞泡魚乾 $48飲野點可以唔叫雞泡魚乾🥰雞泡魚乾好厚實，外層燒到好脆，同沙律醬一齊食好送酒！🐽 水牛城雞翼 $68廚師好貼心甘將雞翼處理成單骨，本身雞翼又係炸到好香脆，加埋水牛城醬甜甜辣辣好出色🐽 巴馬火腿蒜香欖油意大利粉 $98上到已經見到一大堆既火箭菜同巴馬火腿😙意大利粉好香蒜味，份量亦好大夠曬幾個人share!🐽 黑松露野菌薄餅 $98薄餅上枱已經聞到好香，咬落去好香脆！廚師亦落重芝士🥰啖啖都有濃濃既黑松露香味同芝士，必叫！🐽 法式焦糖布甸 $48最後用焦糖布甸作結，布甸蛋香味好足！質地結實重料，上面既焦糖亦為整道甜品生色不少！

呢日放左工之後同朋友去左尖沙咀食dinner，呢間餐廳都幾隱世，位於小巷入面，要搵下先得，入到去就好似世外桃源咁，環境好大。餐廳既設計幾有科技感。打開餐牌，見到有好多好吸引既西餐，價錢都唔貴。我地點左香煎帶子香草醬闊蛋麵，有三粒大大粒既帶子，帶子好新鮮，闊蛋麵口感幾好，配埋香草醬，好惹味。另外仲有牛油果虎蝦沙律，牛油果好軟熟，好creamy，入面仲有彈牙既鮮蝦，健康又好味。最後仲點左鹽燒牛舌心，口感彈牙又好味！仲有好吸引既cocktail。

行經見呢到開左新餐廳，以工業風裝修風格，而內裡空間又幾廣闊都幾舒服下😄今次叫左 燒雞泡魚乾($48)、水牛城雞翼($68)、香煎帶子香草醬闊蛋麵($98)、牛油果煙三文魚薄餅($98)、法式焦糖布甸($48)燒雞泡魚乾：呢個算係我至愛嘅小食之一，雞泡魚乾切條上，食落煙韌幾有咬口，燒得香口幾滋味，中意嘅話就咁食又得，或者點沙律醬食亦得😉真係食唔停，好快就食完😜水牛城雞翼：以單骨雞翼形式黎整，所以食用夠晒方便，啖啖肉😄D雞翼醬汁夠晒入味，唔會淨係得表層有味咁，味道香濃唔會過辣，幾惹味😋香煎帶子香草醬闊蛋麵：平時比較少食闊蛋麵，見呢到有一於食下，麵條食落的確多左份蛋香味，夠扁同寬身口感唔錯，而且上面掛滿香草醬，所以味道好清新😄帶子唔算好大隻，一般大細，但數量都唔少架，帶子肉質嫩滑又鮮甜，輕輕煎一煎表面令味道更加香口🤤牛油果煙三文魚薄餅：呢到嘅薄餅真係薄脆底，唔係港式嘅厚身麵包PIZZA，所以食落好脆身口感勁正🤩配料有芝士、牛油果、煙三文魚，由於餅底夠薄嘅關係，所以配料佔PIZZA嘅比例會提高，食落味道會更加惹味🤤法式焦糖布甸：最後梗係要食埋甜品😝個份量比想像中大，表層微微燒焦夠脆身更加香口，

Zucco is a well-kept secret in the area, buried deep in a back alley behind Chatham Road South. If you blink you will miss the alleyway entrance, walk to the end you’ll find this sleek minimalist eatery.Giving off some industrial warehouse vibes, there is more than just its concrete walls and spacious interior, even better with the alfresco area exudes a laidback allure, making it a perfect getaway from the hustle and bustle!Parma Ham Melon Salad (HK$78)👍👍👍👍A refreshing start with Parma ham, me

今日去左尖沙咀游水，游完水開始四圍搵野食，朋友想搵間有酒飲，有shisha有outdoor既餐廳chill下，見到OpenRice 有呢間zucco 就去試下。搵左一段時間，原來係麼地道大眾銀行旁直入，都幾隱蔽，環境裝修水泥灰色，好靚，仲有好多畫，員工都係後生仔女，都好型，outdoor 唔算熱，有風，同朋友傾計幾舒服。野食部分：叫左個黑松路pizza ，蜆肉意粉同兩杯1664，個pizza 係我鐘意既脆薄底，好好味，價錢仲要平（98），蜆肉意粉（88）辣辣地好野味，加杯冰凍既啤酒，真係好chill，好少搵到尖沙咀價錢合理，個環境個vibe 咁正既鋪頭。

漆咸道附近酒吧好多今次行過一條街竟然比我搵到呢間隱世酒吧餐廳佢係漆咸道行入小小地方好闊落有outdoor同indoor而且裝修型格，遠處行入去已經見到zucco餐廳名巴馬火腿簿餅件件簿餅都有大大塊巴馬火腿配以芝士脆底非常惹味，簿餅上面有火箭菜有清新既感覺香煎大蝦蕃茄長通粉兩隻大蝦鋪滿長通粉未食已經聞到好香大蝦彈牙有膏配埋蕃茄蓉，惹味十足香煎帶子香草醬闊蛋麵帶子大粒鮮甜加埋闊蛋麵，送酒不錯喜歡呢度好闊落適合傾計食飯

環境清幽 private得黎其實好易揾 亦都好方便仲有個outdoor就算夏天坐出面都唔會太熱裝修係工業 好多打咭位..同D fd去hea飲杯咖啡吹下水既好去處👍🏻每次食都好有水準，第一次食牛油果沙律同平時食開果啲好唔同，通常都係一片片既牛油果上 ，但zucco 既牛油果沙律係一粒粒，入口即溶仲加咗虎蝦，非常有口感…仲有特別要讚黑松露pizza 薄薄地又唔會太厚 …必食之選…因為太厚嘅Pizza食落左係會飽到不得了🥶。😏😏 最緊要係咩,服務員全部靚仔靚女勁多、食得飽之餘，都要飽眼福

經朋友介紹去呢間餐廳 位置比較難搵 但入到去好似另一個世界 有個好chill 既out door 入到去入面有幾幅幾特別既畫 成個裝修好簡單 但個感覺有幾舒服 所有嘢都簡簡單單很有特色嘅餐廳 初時以為佢係酒吧 通常酒吧嘅嘢食都一般 所以就求其嗌左幾樣嘢食 點知每一樣都超乎意外 每一樣嘢食都好好食 如果鍾意忙裏偷閑嘅人 呢度應該好適合 仲要有戶外 我女朋友叫咗個牛油果沙律 以為好普通 點知食落都真係好好食 下次一定會帶埋我屋企兩隻貓再幫襯！