Yuyu Sushi

營業中

休息中

勁勁勁耐冇出街食見疫情冇咁嚴峻就出去食晚飯本身諗住去大丈夫未夠7點去再都要等位就轉場同事lunch成日都係呢間食大力推介我黎咁就黎試下喇～唔駛等位兼兩個人俾大卡位我地坐～正壽司同串燒都做梗優惠～4客8折我地壽司同串燒各叫左4客再加個set dinner叫左個魚生飯Set dinner有前菜同甜品送甜品仲有幾款你揀～我地揀左雪糕～雪糕都有幾隻味揀～我地揀左珍珠奶茶味個沙律前菜酸酸地幾開胃手握壽司ok但珍寶帆立貝勁細～明顯係一開四～好失望鵝肝唔好食～勁奇怪～有陣軟殼蟹味～唔知係咪因為炸過舊鵝肝黎而之前炸過軟殼蟹串燒都幾出色～略嫌偏咸Set dinner個魚生飯就普普通通野食份量比較細食完唔夠飽後加左個牛肉烏冬埋單$446我地唔記得左有甜品～侍應又冇提我地～埋左單臨走先記得最尾食埋個珍珠奶茶雪糕先走球雪糕仲細過乒乓波～我唔記得左影相但味道真係好珍珠奶茶～仲有珍珠係入面～都幾得意😎

2019年10月18日下午2:55見Openrice評分都唔低，第一次去呢間鋪頭試下，見佢寫住營業至下午3:30，咪入去問重有無得食，佢地都提我地3:30前要離開，我同朋友表示無問題！ 但有一個年輕少少既女店員即表示不滿眼神及態度。咁算啦，叫野食，叫左個咖喱吉列豬扒飯，同埋牛肉湯烏冬，套餐配麵豉湯同沙律，整體嘢食唔差嘅，跟住我朋友同一個年長既女店員拎一杯冰，但隔一段時間都仲未到，所以同年輕女店員問一聲，點知女店員以極惡劣態度配上黑口黑面大聲回應：「我同事攞緊俾你囉，等陣啦」，只係輕輕問一聲，唔知係咪我地太遲入黎，阻到佢收工，所以對我地發脾氣，整餐飯即刻冇咗心情，俾錢買難受，以後都唔會再幫襯！ 如果你3:30準時要走，你鋪頭寫 12:00-3:00啦，你地又要寫12:00-3:30，我2:55入嚟，3:20已經食完走左，你都仲有10分鐘做清潔啦，再唔係咁巴閉只做12pm-1pm，咁就包保無人阻你收工咖喱吉列豬扒飯，賣相唔錯，飯軟林，豬扒炸得幾脆。牛肉湯烏冬份量都唔少，湯鮮甜

早排有兩位30來歲的客戶代表，他們都是男士，其中一位曾經留學日本，說得一口流利的日文和識寫日文，佢公司喺附近租左一間舖位，因為工作關係發現了這一間有日本人開的日本餐廳，佢話個老闆對裝修認真到可以花了五個月去裝修，出品仲好得，所以我今晚終於約到一位女朋友仔同我來食晚飯試一試，我們點了：1. 網池魚一條（可以選擇三個食法其中之一個、魚生、汁煮、鹽燒），$180，我地點左魚生，侍應生話唔使用青芥辣點的，只給我們日本豉油、蔥花和薑蓉點，果然食落非常之鮮美！2. 串燒牛舌 - $45，雖然切出來的形狀沒有日本人俱樂部的做得那麼完美，但是味道也做得好。3. 串燒牛肋 - $28，勁好味！新鮮牛肉味濃 4. 串燒活鰻 - $48，白鱔本身生買都很昂貴，白線的肉很新鮮，味道好正！5. 串燒雞中翼 - $28，好食，好香！原來叫串燒四款可以有八折6. 鯛魚湯 - $76（兩碗）呢個反而一般，不夠鮮美！7. 牛肉壽喜燒 sukiyaki - $138，好多料，好多牛肉，啲牛肉好味得來係瘦嘅！唔會太咸，食落唔似係用超市樽裝的那種汁來煮的。8. 三文魚頭味增煮 - $88，雖然有味增，幸好好味得來不會太鹹，三

今日途徑長沙灣，心血來潮想吃日本菜，馬上打開OpenRice 搜尋一下，撇除連鎖店後 選擇不多，看見這間食評不錯 ，確定去這裡踩下場(≧▽≦)當天大概晚上六時多，場內客人不多 不用排隊，門前有個紙牌 寫著8折優惠，我們兩大一小 被安排坐到卡位，場內裝修 簡潔 帶點高尚日本風格，坐位舒適 枱面亦很闊落 ，店員有禮遞上餐牌 ，並且介紹是日推廣 池魚刺身，最後我們點了 串燒 壽司 及 天婦羅，天婦羅同串燒可以不用多點，壽司 幾好，8折後 埋單 八百幾，另送一張$50現金卷，性格比不足 不過在區內算是不錯之選，應該⋯會再光顧 下次試下其他 再報告 謝謝～個人建議可改善地方1.串燒唔夠熱2.珍寶凡立貝過份取巧3.兒童餐具 膠叉損毀嚴重4.流程不暢順，可考慮加入一些智能科技幫手，避面過程中落錯單出錯菜。

估唔倒起星期六，這間yuyu 日本餐廳都有set lunch, 仲要係唔洗$100，免加一就有一個幾豐富的sushi + 烏冬的定食套餐，仲有埋湯+沙律！壽司有5件，蝦好新鮮。湯好多豆腐，幾好飲。烏冬比較細碗，可能我們哎壽司+烏冬餐才是細碗，鄰台的剩烏冬餐會大碗D， 豚肉烏冬ok。不過覺得朋友哎的天婦羅烏冬比較出色！天婦羅的炸皮做得幾好，咬落脆而不厚，蕃薯天婦羅好甜！總括來講唔錯，好似哎壽司紙4碟會有8折，下次再來試。

今日有人接放工，去左公司附近食日本野！蜜桃梳打巨峰梳打飲品要影相！ 蜜桃梳打有蜜桃可以食比巨峰梳打甜，兩者都好似係啲果jam 既野溝梳打而成...叫左幾款壽司，都幾新鮮既，特別喜歡凡立貝雞軟骨明太子燒雞翼薄燒鰻魚雞軟骨正常、雞翼偏咸、鰻魚幾厚身，燒得都幾juicy牛肉喬麥麵先飲啖湯先，熱辣辣好清甜，牛肉都幾薄，喬麥麵爽口滑漏，就算好飽都想繼續食！燒牛舌最有驚喜既燒物，火力岩岩好，厚身既牛舌食起上黎易入口，有咬口得黎好juicy! 配埋芥末醬，一流店鋪裝修簡約，坐得好舒服！

返工喺附近，經過見到就諗住試吓佢，食個lunch魚生飯魚生好少，配白飯，返好多，最後食唔晒，不過喺香港地都係正常嘅，朋友嗰碟壽司好似好味好多，價錢來講算貴，一個咁嘅飯要$100 ，不了⋯

因為唔多人，所以侍應安排4坐位俾我同孖吉爸入座，好寬敞。然後侍應就sell 下今期當造嘅魚，可兩食。但係我地都冇乜興趣所以唔揀。侍應之後都交代串燒同壽司order各4件以上都有8折，所以我地見都幾抵就落單串燒同壽司。黑豚腩肉串($36 有8折, 折左$29)燒晒D肥肉，所以一點都唔肥膩，好味牛肋串($28有8折, 折左$22)雖然依個平平地，但係有驚喜，好林，配合埋佢俾我地自己落嘅燒烤粉就更有BBQ風味。牛舌串($45有8折, 折左$36)唔嚡又有咬口，好食。明太子釀雞翼($24有8折, 折左$19)依個相比就比較普通，雞翼比較細隻壽司左邊：芥辣八爪魚沙律軍艦($24有8折, 折左$19)左三邊：鰻魚壽司($36有8折, 折左$29)另外個２邊我都唔知邊舊係真鯛($36有8折, 折左$29)邊舊係深海池魚壽司($44有8折, 折左$35)芥辣八爪魚沙律軍艦：冇芥辣味，麻麻鰻魚壽司：好厚，但有細骨真鯛/深海池魚壽司 ：正常另外，我地叫左一客特上刺身六點盛($368)有三文魚腩牡丹蝦赤貝油甘魚腩海膽中吞拿魚腩其實款款都好肥美同新鮮，唯獨中吞拿魚腩未解凍好（雖然侍應都一早溫馨提示左）但我地隔

喺長沙灣搵野食，見到呢間好似唔錯，即刻試下😋▪️三文魚腩壽司 $26 腩位比魚身的油份高，質地亦較軟。▪️甜蝦壽司 $38 比一般的甜蝦粗身，蝦味濃，滿足度高。▪️油甘魚腩壽司 $38 魚肉新鮮肥美，味道甘香▪️炙鰈魚邊壽司 $36 鰈魚即右口魚，質感其實和左口魚(比目魚)類近，油脂香味濃郁。可惜壽司飯煮得太濕，成為了最大敗筆🙈 。Yuyu什錦魚生丼定食 $118份量不算少，刺身種類多亦鮮甜美味。壽司飯含少量飯素，增加味道，可惜同樣是煮得太濕。略嫌魚生中混合大量酸蘿蔔及青瓜😅蒲燒鰻魚玉子丼定食 $118賣相不俗，鰻魚份量不算少。玉子不是一般所認為那硬身且帶甜的日式玉子，而是滑蛋，雖然個人較喜歡日式玉子，但滑蛋配鰻魚頗合適。隨定食附有前菜(茄子) 味噌湯及茶碗蒸/雪糕。廚師在茄子皮上劃了刀痕，令茄子皮不會過韌及入味👍🏼可惜茶碗蒸欠缺了鰹魚汁令味道較單調。

Yuyu sushi算係長沙灣比較高級嘅日本餐廳。刺身併盤尚算新鮮，有帶子、油甘魚、甘蝦等，整體都爽口，$250幾蚊。小朋友想食烏冬，叫左一個$48既牛肉烏冬，烏冬係稻庭烏冬，但份量偏少，只夠小童一人食，牛肉一般，係街市凍肉舖果種。壽司同串燒4件以上8折，依個就比較扺，千島醬炙三文魚壽司味道幾好，加左少少蕃茄幾開胃。鵝肝壽司一般，用炸粉包住鵝肝醬，質感有d奇怪。吞拿魚軍艦就正正常常，冇咩特別。玉子壽司都唔算太乾嘅，小朋友都有食晒。順帶一提，餐廳嘅服務幾好，小朋友你都有即刻比兒童餐具，侍應好似街坊咁關心小朋友。

服務員態度差 食物質素與價格成反比 特別是咖喱 一食就知道有大量味精 沒有咖哩味 明明有枱都吾汁比客人坐 可見員工人手完全不足 出餐時間長 而且上菜次序出錯 明明係前菜但最後先出 差

今日行完荔枝角D2，之後要去深水埗買嘢，所以慢慢行去經過長沙灣嘅時候，留意到呢度多咗幾間食肆，鍾意食日本嘢嘅我，就諗住坐低食完先去深水埗喇！睇餐牌都幾多選擇，但我同朋友都唔係話好肚餓所以我哋就帶叫咗兩份食物share先來一個鯛魚湯烏冬，鯛魚湯底好鮮甜，除咗烏冬之外去了亦都好簡單有冬菇同椰菜，烏冬入口好滑，口感非常好！另外我哋在叫咗一個壽喜燒，牛肉嘅份量都有幾多，而且亦都好有牛肉味，去買雞蛋入口真係好滑，煲入面仲有金菇椰菜紅蘿蔔，份量都足夠兩個女仔食嘅！我哋決定下次再嚟試佢啲壽司！

.間唔中素食下 但又唔多素食餐廳 但原來好多餐廳都有素食menu 呢間係其中一間.1. 野菌雜菜湯蕎麥麵 $58係個午市套餐 包麵豉湯同沙律勁多菜同野菌: 有冬菇 荀 紅蘿蔔 粟米仔 娃娃菜等 而且份量都多 食落去已經好飽而且蕎麥麵卡路里比較低 成個餐都好健康 2. 五目腐皮壽司 $17入面唔係淨係得白飯 仲會有啲蔬菜粒 食落好有口感 腐皮甜甜地3. 柚子乳酸梳打夏日炎炎 飲番杯梳打 透心涼 佢嗰個乳酸唔係益力多 冇咁甜 加埋柚子 好refresh 值得加錢一試

今晚約左朋友交收，本來打算一齊食埋晚飯，點知佢臨時有事，咁我唯有自己食啦！喺佢屋企附近有個商場，裡面都有幾間食巿，我首選係日本料理，於是就揀左呢間入去試試！環境都幾大幾闊，加上我又比較早去到，所以餐廳暫時冇乜人，但差不多到晚上七點嘅時候，客人就慢慢多喇！因為得我一個人食嘅關係，所以我叫左一個晚巿定食三文魚海膽親子丼，定食裏面包左一個茶蒸碗同埋麵豉湯，茶蒸碗整得好滑好好味，親子丼上枱嘅時候都幾夠份量，海膽好鮮甜，三文魚同魚子都好新鮮，值得推介！另外我再叫多一碟支豆，補返一餐嘅菜，味道都係正常嘅唔會太咸！ 下次要再捉埋個朋友一齊嚟再試，咁就可以再試多啲款式喇！

同夫君在深水埗購物後不想在附近食飯，一來怕多人，二來想試試新野😉 ！Search 到長沙灣這家日式料理，看來頗乾淨企理，便決定去check check佢🧐！位置不算難找，位於屋苑商場內，內𥚃環境非常寬敞，燈光柔和，裝修甚有日式風味。而且設有開放式廚房可觀嘗師傅新鮮製作壽司🍣！看到外面的banner 原來在做promotion，只要惠顧4客壽司/串燒🍢就有8折優惠！因怕串燒太熱氣，所以我們專攻壽司再另加烏冬🍲及卷物！有大量壽司提供，花多眼亂，我們點了以下壽司🍣- 三文魚腩、珍寶帆立貝、赤蝦、吞拿魚大楠、芥辣八爪魚沙律軍艦、三文魚籽軍艦及海膽軍艦！全部壽司都真材實料，好新鮮，非常鮮甜！但略嫌飯裡醋的比例較多。包子最推介吞拿魚大楠壽司，比起外面一般收$70-80一件，這𥚃只需要$48/1件，質素不錯，入口即溶，值得一試👍🏻！牛油果炸軟殼蟹卷 - 有4大件，軟殼蟹🦀炸得香脆！冷稻庭烏冬 - 烏冬🍲非常爽口彈牙，而且份量足夠，足足有2個麵餅！沾進加入蔥花及薑蓉的冰冷的醬汁內享用，正！⁉️原來promotion 是需要惠顧壽司及串燒各4串才能有8折，留意番😅！雖然沒有優惠，埋單也是$200左右一人，