Yuyu Sushi

營業中

休息中

少有地嚟到長沙灣區食飯，有緣食到呢間幾高質嘅日本菜，用餐環境舒適有空間感，服務唔錯，食物質素都幾好，價錢合理食得過~🔘池魚三食係季節限定嘅九州池魚，原條池魚有三種食法-刺身切片、壽司同埋碎切，肉質細緻爽口帶油份，味道鮮甜，食到時令食材性價比都幾高，最後仲可以免費追加香口嘅炸魚頭骨~🔘甜蝦/岩蠔/深海池魚/炙燒蝶魚邊壽司壽司order四客即享八折，咁冇理由唔order四客，最驚喜係岩蠔夠晒肥美creamy，蠔身脹卜卜，另外炙燒蝶魚邊亦好夠油份，幾好食~🔘牛油果炸軟殼蟹手卷🔘大蔥吞拿魚手卷食完壽司同池魚都覺得幾有水準，再追加左兩款手卷，特別喜愛吞拿魚蓉，口感幼細香滑有油香!! 🔘牛肉壽喜鍋冬天最鍾意叫鍋物，甜甜的壽喜燒湯底加上大量蔬菜、菇、滑豆腐同粉絲，牛肉幾有質素肥瘦均勻，上枱嘅時候牛肉仲係半生熟，呢個時候放埋隻生雞蛋落去撈勻一齊食，非常正!! 🔘巨峰乳酸梳打🔘柚子梳打🔘冧酒提子雪糕紫色飲品幾吸睛，兩杯飲落都唔會太甜最後食埋雪糕大滿足~

YuYu Sushi 🍣長沙灣青山道399號喜薈商場1樓2號舖經開長沙灣，老友推介一間優質的日式料理，食物、環境和服務都不錯。😉👍🏻大蝦天婦羅丼飯🍤大廚即叫即炸，薄薄的炸粉很鬆脆，大蝦爽口彈牙，蔬菜天婦羅鮮甜多汁，珍珠米夠香夠煙韌，醬汁甜度和鹹到剛剛好，很開胃，推薦！😋👍🏻一口脆牛配溫泉蛋撈烏冬定食🍜外層超級鬆脆，內層牛肉鮮嫩沒有筋，肉汁豐富，解凍處理得很好，沒有雪味。溫泉蛋撈烏冬加了紫菜碎提升層次，蛋味濃沃，記得攪勻先食，烏冬夠煙韌，好正！🤤跟餐味增湯沙律🥗味噌湯不會太鹹，喝完很舒服，沙律菜夠新鮮，麻醬夠香。😆午市加配優惠三文魚壽司和油甘魚刺身厚切的三文魚和油甘魚，魚油豐富，新鮮香滑，加了醬油和 wasabi 味道更佳，壽司即叫即製，口感煙韌，醋味適中，高汁。😍熱柚子薑蜜甜度適中，不會太辣，趁熱飲很舒暢。青蘋果梳打有氣梳打好爽，青蘋果味夠清新。YuYu Sushi 🍣 CP值高、食材新鮮、價錢親民、侍應服務態度好，回頭率高。👍🏻

( ͡° ͜ʖ ͡°) 𝚈𝚞𝚢𝚞 𝚂𝚞𝚜𝚑𝚒 [ @yuyusushi ]——日本嘢——❝ 長沙灣低調日式料理店木系小清新 舒適親民高CP ❞有大量午餐定食選擇 豐儉由人丼飯熟食壽司刺身都有 好多款！今次揀咗兩個魚生飯share～✿ 海膽炙三文魚親子丼 $175作為海膽控嘅我一定會叫啦～海膽睇見已經流口水 入口鮮甜唔腥再加埋火炙三文魚 火炙後好香魚油味另外好欣賞側邊有幾塊紫菜比你三文魚籽加海膽夾埋日本珍珠米飯 真係食唔停口！✿ 大蔥吞拿魚蓉帶子三色丼 $155大蔥吞拿魚蓉份量超足！吞拿魚蓉配飯口感相當豐富～配埋鮮甜帆立貝同吞拿魚刺身又真係冇得輸～最後重有埋雪糕作甜品揀咗綠茶同椰子味椰子味有粒粒椰肉 幾有驚喜！╰☆* 推介指數：🌕🌕🌕🌖🌑✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿

平日放工黎到長沙灣，發現有間隱世特色日食入到去裝修充滿特式，睇住師傅煮野食，好有風味😬🇯🇵一坐低叫左個🦀枝豆同炸軟殼蟹做前菜:炸軟殼蟹香脆可口, 枝豆唔會太咸，唔錯🐟時令刺身-魴鮄原條魚上！好震撼！肉質爽口又新鮮，食到停唔到口🍲仲用埋個魚頭煲湯，好清甜 一魚兩食 👍🏼🐂牛肉壽喜燒牛肉大大塊，飽足感十足，撈勻隻日本蛋食正！湯底甜甜地 😋成餐食到好飽，CP值好高👍🏻👍🏻👍🏻原來場地內部仲有私人房，可以供客戶攪party 🥳生日想食好野攪party 可以考慮下，呢個又好食又有特色的地方

💛好味指數:4.7/5💛💜回頭指數:4.7/5💜最近留意到有人介紹長沙灣日式料理，呢區都比較少日本嘢食，咁啱好近屋企可以試試佢😍Lunch時間相當多OL同學生食，午市仲有套餐，Cp值不錯✅大蝦天婦羅丼$98天婦羅份量好多好大件，已經淋上天婦羅汁，飯粒充滿天婦羅香，除咗大蝦仲有菇同菜，天婦羅都炸得幾香🍤✅烏冬壽司定食$105壽司五件：帆立貝、油甘魚、三文魚、白魚、魷魚～壽司都幾新鮮，估唔到呢區都有質素幾好嘅壽司食😍另外仲有配牛肉湯烏冬，轉咗做蕎麥麵，呢個真係大讚👍🏻牛肉湯好香湯底好好味🤤本身以為牛肉湯係配牛肉，原來係配日本黑豚🤣🤣呢個黑豚好香好好食，所以都係好中意💕✅小食雞翼串$25、一口脆牛$38小食選擇眾多，樣樣都想食🤣味道不過不失，整得好香口🐥✅荔枝冰茶、柚子冰茶$12定食可以半價加飲品，飲品都極大杯，兩款冰茶都係紅茶底，柚子同荔枝肉都落得好足，所以好夠味🧋🐻總結我覺得烏冬壽司定食質素好好👍🏻仲要有蕎麥麵揀，下次要試埋稻庭烏冬🤣📍Yuyu Sushi (長沙灣)長沙灣青山道399號喜薈商場1樓2號舖

位於長沙灣喜薈商場的Yuyu Sushi，門口一大排日式木門甚有氣派，甫進內就感受到舒適休閒的寬敞感，淺色木系主調尤如置身日本壽司店。真澄清酒 $68一來當然先喝點酒。店員推介的真澄清酒，透明深藍色小瓶精緻可愛，香味十足，清甜的味道十分容易入口。前段甘香，清酒的勁度慢慢滲出，帶來溫暖的感覺，適宜慢慢品嚐。雜錦刺身五點盛 $183擺盤精緻，顏色自然鮮亮，用料看著新鮮，用上檸檬還可提升鮮味。八爪魚帶海水鹹鮮味，爽口彈牙；油甘魚超厚肉帶淡淡清香魚味；三文魚油脂分佈平均，味道豐腴甘香；甘蝦甘甜鮮美，肉質清爽；帆立貝大大粒，肥美肉厚、味道清甜。所有刺身既厚肉又新鮮，魚類都無筋，每一口都是鮮味十足，非常高質。就算在晚間也有多款定食，由95到205有熟食／刺身丼、壽司等任君選擇。套餐包含充滿清香海帶及蔥花、柔軟豆腐味噌湯，用了我最喜愛的胡麻醬的清爽沙律及熱辣辣的嫩滑高湯茶碗蒸。特上壽司定食 $205最豪華的晚餐定食就是此特上壽司定食，價錢$205但上菜一刻就知道是超值！刺身都大大片又長，從上俯瞰完全見不到飯。三文魚、油甘魚、甘蝦、帆立貝壽司的質素跟剛才的刺身一樣高！暗橙色的海膽入口滿滿鮮味帶甘香，質

那日朋友新居入伙，首次走進舊區路過新建三喜住宅，探訪後晚餐便到喜薈商場內一所日本餐廳用膳電梯至一樓沿淺木印有餐廳名字的特式牆走向便到達目的大門，門外展示的大型餐牌相片及折扣優惠，更令我們期待晚餐～內裡大約可容納50人，不論枱與枱或座位之間空間寬敞，環境寧靜，座位舒適，以米杏色為主感覺舒服。刺身拼盤有油甘魚、三文魚、帶子、八爪魚、甜蝦及鮑魚，刺身均厚切，色澤鮮艷且新鮮，質感爽口帶魚油香，八爪魚及鮑魚也冰凍爽脆。我們共品嘗7款壽司，壽司飯有咀嚼度附彈性，酸性適中，而整體魚生新鮮帶原有此魚鮮味，以下為特別出眾之魚生。吞拿魚中腩壽司+吞拿魚大腩壽司：吞拿魚魚脂十足，咀嚼時豐富油脂甘香溢出.法國鵝肝壽司：以半煎炸方式處理，鵝肝濃郁帶香脆可口，加上表面的芥末沙律牆，有減膩功效.岩蠔壽司：北海道蠔蠔肉豐滿，肉質軟中帶脆，不腥而且尚算鮮味.炙韓風三文魚腩壽司三文魚燒後明顯嘗到魚油脂香，炙燒度剛好在表面輕灼，至於「韓風」兩字未能確認，因為未能明顯嘗到有韓國醬料或食材味道烏冬順滑帶爽口，已分好各人一束，放於烏冬汁加蔥加薑蓉後好清新，但略嫌烏冬汁淡味。牛舌芯：夠厚！完全感受到牛舌爽脆口感，只需少許胡椒及鹽已

喺長沙灣一頭試完婚紗，喺附近想搵下一間好餐廳慢慢坐下，上網見到唔少人推薦呢一間位於長沙灣喜匯商場入邊嘅壽司店，叫做yuyu sushi，就嚟食吓啦。餐廳環境幾開陽，裝修感覺好舒適，呢度嘅日本料理都有好多款式。首先叫日本蕃茄沙律，蕃茄好大隻，仲去咗皮，鮮甜。首先見到佢呢度推薦嘅菜式係深海池魚三食，分別係薄切刺身，壽司，同埋薑蔥薑蔥拌池魚，覺得好吸引。嚟到覺得擺盤好精美，你會見到魚頭魚尾咁樣串埋一齊，好啱打卡。啲魚亦都好新鮮。三種唔同食法感受都唔同嘅風味，唔錯！之後我哋叫咗四款壽司，首先係法式鵝肝壽司，鵝肝壽司真係好少見，非常有特色，鵝肝味道幾香，完全唔需要再調味，好味！之後有油甘魚壽司，感覺好新鮮，呢度嘅食材唔錯喎！炙燒三文魚，非常美味，三文魚好肥美，燒完之後更加突出佢嘅油香。炙燒鰈魚邊壽司，感覺似左口魚壽司，非常香滑。另外我哋仲想試吓佢嘅串燒，金菇肥牛串燒，非常惹味，調味剛剛好，而且整得好精美，好實淨。最後我哋食咗個海鮮唰唰鍋，驚喜，有好多海鮮，好足料，帶子有四片！每一隻都好大隻，豆腐都好滑，湯底好清甜，我都飲咗幾啖，仲有啲粉絲可以食，仲有兩隻蝦，不得不提佢嘅三文魚扒，係非常靚嘅三文魚

餐廳都内裡寬躺 亦有大量卡座 適合一大班朋友黎食(d＇∀＇)最盡頭會見到師傅席前料理ヽ(✿ﾟ▽ﾟ)雜錦刺身五點盛 $183分別有三文魚 油甘魚 八爪魚 帆立貝 同甜蝦 樣樣都好新鮮 尤其是三文魚 厚切 紋路清晰 好肥美😍 擺盤造型都好靚☺️☺️☺️☺️壽司散點 $17up 8折呢度每四件壽司就有八折 三文魚咁肥美 即刻再叫多款 呢度仲有特別嘅生蠔壽司 食落都好肥美清甜 唔會有好大陣海水味炸墨魚咀 $48 黎到居酒屋 必點炸物😛 炸得好香脆 而且炸粉唔會好厚 墨魚咀都好有咬口🤤鰻魚茶漬飯 $75茶漬飯湯底清甜 面頭配上2大塊厚切鰻魚 另外配上炒米粒 紫菜 等 更加將成件事昇華(^y^)金菇牛肉卷 $38呢間居酒屋到主打串燒 就去試吓呢度嘅串燒有冇特別(ﾉ>ω<) 呢度嘅牛肉都燒得剛剛好 配上燒汁 味道香濃 😎食物: ⭐️⭐️⭐️⭐️環境: ⭐️⭐️⭐️⭐️價錢: ⭐️⭐️⭐️⭐️整體: ⭐️⭐️⭐️⭐️（5⭐️最高)💕

呢個住宅商場內既日本菜可以話好似臥虎藏龍咁，隱世但性價比高：環境簡約girly,餐具靚，坐得舒服，staff又nice,而且魚生新鮮同埋仲有我最愛熟食：蒸水蛋🤩🤩🤩因為天氣凍，所以我同朋友一齊share 左個日本黑豚肉姜燒丼飯，每塊豚肉都砌得好薄兼口感一d都唔鞋唔UN。平時食日本菜唔多揀熟食既我覺得呢個豚肉飯既滿足令我會想再來試埋其他既丼飯食左咁多野，嗌4客壽司有8折，每人average $250左右。總結：性價比高-價錢地點service同食物質數我同朋友都滿意到想再帶家人朋友來喇

是日提早團年，看到特別菜單上有原條真鯛刺身供應，甚喜。立馬下單。原條約650克（一斤）。不像一般壽司店供應的急凍切身，肉質鮮美細膩。薄切上盤，配以大根蓉，蔥花，柚子醋，魚的鮮味在口中爆發。與淡麗清酒共酌，絕味！店家還貼心地配上漬蘿蔔，以解味覺疲勞。享用完整盤刺身後，再請店員把剩下的魚頭，中骨和魚尾弄個豆腐面豉湯。在熱騰騰的面豉湯內，魚頭和骨肉的味道香醇濃郁。先吃魚，再喝湯；飽足，滿意的一頓二人年夜飯。

係一個細小既商場內 竟然有一間質素幾高既日式食店🎏簡約沉靜既裝潢 位置闊落 食起野上黎都覺得特別舒服食店以手握壽司為主 花款比較多 選擇亦都有好多🤩當然同時亦都會有好多唔同款別既小食/料理🍣如果想每樣試啲既 記得要留返個胃仔😆➷🪐 和風蕃茄野菜沙律先黎個前菜沙律開一開胃先😋蕃茄爽口而且清新 用黎做開胃菜就最好不過👍🏼加埋帶有酸酸地既柚子汁就更加香 食唔厭既味道🍅§🪐 櫻蝦炸豆腐開完胃 就可以食返啲濃味少少香口少少既野🤤櫻花蝦包圍住整舊豆腐 炸得通透 香氣撲鼻😶‍🌫️如果鍾意惹味既 佢係必然之選 亦唔會帶有過多油份👍🏼§🪐 五目腐皮壽司🪐 油甘魚壽司🪐 甜蝦壽司🪐 活赤貝壽司🪐 岩蚝壽司🪐 炙蝶魚邊壽司🪐 芝士鰻魚卷黎到就一定要食佢地主打既手握壽司🤝🏼款式太多 同店員傾傾吓都介紹咗幾款唔同既俾我地食🍣食壽司 最緊要當然係睇材料既新鮮度🐟其次我會去睇壽司個size比例係咪成正比 飯會唔會過份大舊第三就係睇師傅既功架同處理 魚生會唔會切到一忽忽咁🔪只要以上3樣都係做得好 其實壽司都會好食👍🏼今次既整體表現可以拎到9分 握飯再實啲就可以滿分😌§🪐 鹽燒鯖魚已經飽咗7成 揀食鯖魚就唔會太有負擔🐟魚

🐽 - Cheung Sha Wan - YuYu Sushi ⁣⁣⁣最近係長沙灣發現左一間性價比幾高既壽司店🤤⁣環境坐得舒服之餘食物質素都幾不錯，而且侍應既服務態度都好好，落單上菜既時間都快手，就算Lunch time都可以黎食番轉🫰🏻⁣重點價錢非常親民，CP值真心幾高👍⁣基本上每款定食都會配上前菜及味噌湯；⁣⁣⁣- 特上壽司定食 ⁣尼個特上壽司定食包含左九件唔同既壽司以及三件青瓜卷，分別有吞拿魚中腩、帆立貝、海膽、鰻魚、鯛魚、甘蝦、油甘魚、三文魚、魷魚；⁣由於今日咁岩無哂海膽，所以就選擇轉左多一件鰻魚🙈⁣壽司食得出全部都好新鮮而且唔會有雪藏味，尤其係我最鍾意既鰻魚，厚切而且大大舊☺️⁣⁣⁣- 烏冬壽司定食⁣尼個烏冬壽司定食分別有兩項(壽司五件)及四項(烏冬)選擇；⁣壽司五件分別有 帆立貝、油甘魚、三文魚、白魚及魷魚 或 赤蝦、油甘魚、三文魚、鰻魚及北寄貝 可供選擇；⁣而烏冬分別有 什菌野菜湯烏冬、牛肉湯烏冬、黑豚肉湯烏冬及天婦羅湯烏冬 可供選擇；⁣鍾意食蕎麥麵既朋友亦都可以免費選擇轉蕎麥麵🫶🏻⁣咁岩友人唔食三文魚，所以亦都同樣轉多左一件鰻魚🤣⁣今次試左個牛肉湯烏冬，湯味好濃郁而且牛肉

平時喺附近返工都成日幫襯，鐘意明明係平平無奇嘅菜式，用料都好好加好多新鮮蔬菜，今晚嚟試吓晚市。蟹籽沙律係爽脆多汁嘅青瓜絲，加咗大量蟹柳同蟹籽，好清新開胃，同埋比一般多醬多蟹籽，食到尾都好夠味。什錦刺身五點盛樣樣都厚切新鮮，尤其覺得個帶子同蝦好甜，百幾蚊真係物超所值。 研究過幾款刺身盛嘅組合都大同小異，如果唔係特別好吞拿魚嘅話，揀呢款真係滿足晒所有願望。大蔥吞拿魚手卷好有心地用大蔥同芝麻調味好香，最正嘅係食到最後一啖都仲係滿滿嘅吞拿魚蓉，大滿足。 牛油果炸軟殼蟹手卷個組合已經夠好食，軟殼蟹新鮮炸起好乾爽酥脆，除咗牛油果之外，仲有大量沙律醬、蟹籽同青瓜，口感好豐富又開胃，食到停唔到口。鰻魚茶漬飯係全晚最大驚喜，首先飯底居然係啱啱燒起嘅飯團，有少少脆飯焦嘅口感好香口。 茶漬飯嘅高湯好鮮，好似喺日本食鰻魚飯配嗰碗湯咁，加少少Wasabi好有層次。 最正嘅係平時食開午市嘅鰻魚飯都要百幾蚊，估唔到呢個價值幾十蚊嘅茶漬飯會有三大塊鰻魚，厚肉嫩滑，絕對會為咗佢再嚟。

在長沙灣工作，lunch找到這間日式餐廳。餐廳裝修簡約木系，座位隔得闊落，環境乾淨舒服。以Qr code落單，方便快捷。餐牌食物多元化好多選擇，有熟食定食、刺身、烏冬蕎麥麵、魚生丼、壽司等。很多都很吸引，蒲燒鰻魚玉子丼及大蝦天婦羅丼都想試，午市定食很抵食!!!都會附送前菜及味噌湯。店員好友善熱心!!聽店員分享他們的食物主要健康為主，在店員推介下，點了大熱門烏冬壽司定食(⁎⁍̴̛ᴗ⁍̴̛⁎)☁️烏冬壽司定食 $118附送前菜沙律及味噌湯沙律菜、粟米、車厘茄、芝麻醬▫️壽司五件帆立貝｜油甘魚｜三文魚｜白魚｜魷魚最喜歡帶子，帶子很新鮮鮮甜肉厚。魷魚口感好彈牙爽脆，食落新鮮~▫️天婦羅湯烏冬三大件天婦羅炸物，有天婦羅蝦、茄子和南瓜。天婦羅蝦很大隻，食落炸粉不會太厚，做到脆身而不油膩。特別喜歡茄子，食落軟腍!!點上天婦羅醬汁，味道鹹鹹甜甜，越食越開胃。冬天配上一碗熱騰騰的烏冬，簡單而滋味。湯底清淡，可以品嚐到烏冬最純粹的好味道。烏冬是稻庭烏冬，入面有蘑菇、金針菇、娃娃菜。為食的我點了午市定食，心思思想試其他小食(串燒、刺身、炸物)!!可以用優惠價加配小食和飲品。飲品特飲半價，$10一球雪糕(抹茶、提子冧酒、椰